Ferizaj

Djali vret nënën me thikë në Ferizaj

Published

5 years ago

10 August, 2020

Një 83 vjeçare nga Ferizaj është vrarë mëngjesin e sotëm nga djali i saj 62 vjeçar.

Sipas fqinjve të kësaj familje që jetojnë ne rrugën ”Ejup Statovci” në
Ferizaj, 62 vjeçari që e vrau nënën e tij kishte probleme mendore. Ata thonë se dorasi disa herë kishte shkaktuar probleme edhe në lagje.

“Sot nuk kam dëgju asgjë, por disa herë ka bërë probleme, është rrahë me njerëz, ka qenë i dhunshëm, shteti është dashur të merret me të, e ka rrahë një komshi”, tha Zymber Asllani.

Në Policinë e Ferizajt thonë se vrasja e 83 vjeçares është kryer me thikë.

“Sot rreth orës 8:20 minuta kemi pranuar një informatë për një rast vdekje ku policia menjëherë ka dalë në vendin e ngjarjes bashkë me njësinë e emërgjencës ku gjatë hetimeve preliminare është kostatuar se bëhet fjalë për vrasje dhe policia i ka ndërmarrë të gjitha veprimet dhe pas një kohe të shkurtër është arrestuar menjëherë një person të dyshuar bëhet fjalë për të dyshuarin me inicialet B.Ç 62 vjeçar, ndërsa viktima është nëna e tij M.Ç. Gjithashtu gjatë hetimeve dhe dëshmitarëve kemi marrë informata se i njëjti ka vuajtur edhe nga sëmundje mentale. Vrasja është kryer me mjet të mprehtë me thikë. Policia dhe ndihma e shpejtë ka shkuar në vendin e ngjarjes dhe aty është konstatuar se viktima ka ndërruar jetë në vendin e ngjarjes. Në dosjen e tij janë gjetur edhe disa raste për personin e dyshuar për sjellje arrogante dhe veprime të tjera”, tha Gashi.

Sipas fqinjve dhe policisë, në shtëpi jetonin vetëm nëna me djalin e saj.

Ferizaj

Mbledhja komemorative për gazetarin Sylejman Shaqiri mbahet sot nga ora 14:00 në teatrin “Adriana” në Ferizaj

Published

11 hours ago

19 April, 2025

webmaster

Lajmi u bë i njohur nga familjarët përmes rrjeteve sociale.

Shaqiri ka qenë një figurë e rëndësishme në gazetarinë kosovare për dekada me radhë. Karrierën e tij e nisi në fillim të viteve ’80 në Radio Ferizaj, ku ushtroi detyrën e kryeredaktorit dhe drejtorit.

Më pas, ai vazhdoi punën në Radio Televizionin e Prishtinës (RTP) si gazetar dhe redaktor përgjegjës.

Pas mbylljes së dhunshme të RTP-së në vitet ’90, Shaqiri dha kontribut të rëndësishëm në informimin e popullatës në Kosovë përmes valëve të radio Zagrebit dhe Radio Tiranës.

Pas përfundimit të luftës në Kosovë, Shaqiri vazhdoi me angazhim në gazetari, fillimisht në Radio Ferizaj dhe Radio Tema, e më pas mori pozita udhëheqëse në Radio Televizionin e Kosovës (RTK), përfshirë atë të drejtorit të përgjithshëm.

Shaqiri lë pas një trashëgimi të rëndësishme profesionale dhe një kontribut të pazëvendësueshëm për gazetarinë në vend.

Në nderim jetës dhe veprës së tij, familja e të ndjerit në bashkëpunim me Komunën e Ferizajt dhe Klubin e Gazetarëve “Haki Braha” në Ferizaj, do të mbajnë sot (19.04.2025) mbledhje komemorative me fillim nga 14:00 në Teatrin “Adriana” në Ferizaj.

Ferizaj

Është ndarë nga jeta mjekja e mirënjohur ferizajase Dr. Rushe Ramadani Rushiti

Published

1 week ago

11 April, 2025

Redaksia

Është ndarë nga jeta mjekja e mirënjohur ferizajase Dr. Rushe Ramadani Rushiti.

Lajmi u bë i ditur nga familjarët dhe kolegët në rrjetin social Facebook.

Dr.Rrushja kreu studimet në Fakultetin e Mjekësisë në Universitetin e Prishtinës kurse specializimin për Obstetrikë-Gjinekologji e kreu në Tiranë.

Punën si mjeke e përgjithshme ajo e filloi në vitin 1984 në maternitetin e Shtëpisë së Shëndetit në Ferizaj kurse pas largimit nga puna nga organet e dhunshme serbe vazhdoi punën në maternitetin e improvizuar “Nëna Terezë” në Prishtinë.

Pas çlirimit, Dr.Rrushja vazhdoi punën në Spitalin e Ferizajt ku organizoi funksionalizimin e Repartit të Gjinekologjisë kurse vitet e fundit ishte angazhuar në poliklinën “Zeka” në Ferizaj.

Mbledhja komemorative për Dr. Rushe Ramadani Rushiti do të mbahet të shtunën (12 prill 2025), me fillim në ora 11:00 në Teatrin “Adriana” në Ferizaj.

Ferizaj

Të shtunën disa fshatra të regjionit të Ferizajt do të mbeten pa rrymë

Published

2 weeks ago

04 April, 2025

webmaster

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.