Ferizaj

Sojeva, Dardania dhe Zllatari do të bëhen me ujësjellës, thotë Bytyqi

Published

5 years ago

31 January, 2020

Drejtoria e Infrastrukturës në komunën e Ferizajt në një konferencë për media, bëri publike projektet e realizuara gjatë vitit 2019 dhe planet për vitin 2020. Drejtori i kësaj drejtorie Arbër Bytyqi, e konsideroi të suksesshëm vitin e kaluar me projektet e implementuara.

“U ndërtuan mbi 80 km rrugë, kanalizim, ujësjellës e trotuare. Gjithashtu vazhduam realizimin e shumë projekteve të rëndësishme për qytetin e Ferizajt siç është rruga Gërlicë-Varosh, rrugicat e qytetit, e poashtu filluam njërin ndër projektet më të rëndësishme për qytetin e Ferizajt, projektin e Fabrikës së Ujit në Talinoc të Muhaxherëve ku gjatë vitit 2019 përfunduam hapjen e 5 puseve. Besojmë fuqishëm që deri në fund të vitit ta kemi të kompletuar këtë fabrikë”, tha Arbër Bytyqi.

Ai tha se për vitin 2020 do të vazhdojnë punën me dinamikë të shtuar.

“Do të kemi projekt të ri për asfaltimin e rrugëve të mbetura në fshatin Koshare, Slivovë, Lloshkobare, Kosinë, vlera e këtij projekti do të jetë rreth 400.000 euro. Do të fillojmë procedurat për ndërtimin e rrugës së re Zaskok-Ferizaj, projekt që do të shkurtoj rrugën për banorët e fshatit me qytetin, vlera e këtij projekti do të jetë mbi 400 mijë euro. Projekte poashtu të rëndësishme do të jenë edhe rregullimi i trotuarit në fshatin Pleshinë e Ulët dhe në Talinoc të Jerlive, vlera e këtij projekti do të jetë rreth 120 mijë euro. Gjithashtu, do të inicohen procedurat për asfaltimin e rrugëve të mbetura në fshatin Mirosalë, Dardani, Sojevë, si dhe ndërtimi i trotuarit në Fshatin e Vjetër, projekt që ka vlerën rreth 500 mijë euro. Do të kemi edhe një projekt të rëndësishëm për lagjen Tafaliaj në Komogllavë, ku do të fillojmë zgjerimin e kësaj rruge dhe ndërtimin e trotuarit, bëhet fjalë për një projekt në vlerë rreth 350 mijë euro. Poashtu, pas shkëputjes së kontratave për shkak të papërgjegjësisë së operatorëve ekonomik në kryerjen e punimeve do të fillojnë procedurat e prokurimit edhe për asfaltimin e rrugëve në fshatin Dremjak dhe rrugës ”Cen Dugolli” në qytet”, tha Arbër Bytyqi.

Bytyqi, theksoi projektet e reja që priten të realizohen gjatë këtij viti të cilat përfshijnë ndërtimin e varrezave të qytetit me një vlerë prej 800 mijë euro dhe ndërtimin e Fabrikës së Ujit të pijshëm në Talinoc me shtrirjen e rrjetit të ujit për banorët e fshatrave Sojevë, Dardani dhe Zllatar.

Ferizaj

Mbledhja komemorative për gazetarin Sylejman Shaqiri mbahet sot nga ora 14:00 në teatrin “Adriana” në Ferizaj

Published

2 hours ago

19 April, 2025

webmaster

Lajmi u bë i njohur nga familjarët përmes rrjeteve sociale.

Shaqiri ka qenë një figurë e rëndësishme në gazetarinë kosovare për dekada me radhë. Karrierën e tij e nisi në fillim të viteve ’80 në Radio Ferizaj, ku ushtroi detyrën e kryeredaktorit dhe drejtorit.

Më pas, ai vazhdoi punën në Radio Televizionin e Prishtinës (RTP) si gazetar dhe redaktor përgjegjës.

Pas mbylljes së dhunshme të RTP-së në vitet ’90, Shaqiri dha kontribut të rëndësishëm në informimin e popullatës në Kosovë përmes valëve të radio Zagrebit dhe Radio Tiranës.

Pas përfundimit të luftës në Kosovë, Shaqiri vazhdoi me angazhim në gazetari, fillimisht në Radio Ferizaj dhe Radio Tema, e më pas mori pozita udhëheqëse në Radio Televizionin e Kosovës (RTK), përfshirë atë të drejtorit të përgjithshëm.

Shaqiri lë pas një trashëgimi të rëndësishme profesionale dhe një kontribut të pazëvendësueshëm për gazetarinë në vend.

Në nderim jetës dhe veprës së tij, familja e të ndjerit në bashkëpunim me Komunën e Ferizajt dhe Klubin e Gazetarëve “Haki Braha” në Ferizaj, do të mbajnë sot (19.04.2025) mbledhje komemorative me fillim nga 14:00 në Teatrin “Adriana” në Ferizaj.

Ferizaj

Është ndarë nga jeta mjekja e mirënjohur ferizajase Dr. Rushe Ramadani Rushiti

Published

1 week ago

11 April, 2025

Redaksia

Është ndarë nga jeta mjekja e mirënjohur ferizajase Dr. Rushe Ramadani Rushiti.

Lajmi u bë i ditur nga familjarët dhe kolegët në rrjetin social Facebook.

Dr.Rrushja kreu studimet në Fakultetin e Mjekësisë në Universitetin e Prishtinës kurse specializimin për Obstetrikë-Gjinekologji e kreu në Tiranë.

Punën si mjeke e përgjithshme ajo e filloi në vitin 1984 në maternitetin e Shtëpisë së Shëndetit në Ferizaj kurse pas largimit nga puna nga organet e dhunshme serbe vazhdoi punën në maternitetin e improvizuar “Nëna Terezë” në Prishtinë.

Pas çlirimit, Dr.Rrushja vazhdoi punën në Spitalin e Ferizajt ku organizoi funksionalizimin e Repartit të Gjinekologjisë kurse vitet e fundit ishte angazhuar në poliklinën “Zeka” në Ferizaj.

Mbledhja komemorative për Dr. Rushe Ramadani Rushiti do të mbahet të shtunën (12 prill 2025), me fillim në ora 11:00 në Teatrin “Adriana” në Ferizaj.

Ferizaj

Të shtunën disa fshatra të regjionit të Ferizajt do të mbeten pa rrymë

Published

2 weeks ago

04 April, 2025

webmaster

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.