Ferizaj

Reagim i redaksisë së TV TEMA

Published

6 years ago

23 February, 2019

Reagim i redaksisë së TV TEMA

Pas publikimit të kronikës së djeshme televizive në lajmet e TV TEMA, në të cilën raportohet për rrjedhën e gjykimit në Gjykatën Themelore të Ferizajt, që po mbahet kundër ish-drejtorit të urbanizmit në Ferizaj, Faik Grainca, i njejti person sot në faqen zyrtare të televizionit tonë në Facebook.com, ka postuar një koment me tone akuzuese dhe kërcënuese ndaj pronarit të televizionit.

I bëjmë me dije opinionit publik se ekipi i departamentit tonë informativ është duke e përcjellur me përpikëri këtë gjykim vërtetë të komplikuar për nga natyra, por gjithmonë duke i ofruar publikut informim të saktë dhe të faktuar, ashtu siç kemi vepruar që nga themelimi i shtëpisë sonë mediale para 19 vitesh. Kjo është edhe arsyeja pse ekipi ynë i xhiron seancat në tërësi, në mënyrë që publikut t’i ofrojmë informim sa më objektiv mbi zhvillimet më të rëndësishme në gjykatore.

Kërcënimet ndaj mediave të lira dhe gazetarisë hulumtuese që vijnë nga zyrtarë apo ish-zyrtarë të shtetit janë të papranueshme, ato cenojnë lirinë e shprehjes në vend, dëmtojnë imazhin e vendit dhe ngulfasin proceset e transformimit të shoqërisë sonë drejt një vendi demokratik me standarde të larta të lirisë së shprehjes dhe të informimit të pavarur.

Ferizaj

Mbledhja komemorative për gazetarin Sylejman Shaqiri mbahet sot nga ora 14:00 në teatrin “Adriana” në Ferizaj

Published

11 hours ago

19 April, 2025

webmaster

Lajmi u bë i njohur nga familjarët përmes rrjeteve sociale.

Shaqiri ka qenë një figurë e rëndësishme në gazetarinë kosovare për dekada me radhë. Karrierën e tij e nisi në fillim të viteve ’80 në Radio Ferizaj, ku ushtroi detyrën e kryeredaktorit dhe drejtorit.

Më pas, ai vazhdoi punën në Radio Televizionin e Prishtinës (RTP) si gazetar dhe redaktor përgjegjës.

Pas mbylljes së dhunshme të RTP-së në vitet ’90, Shaqiri dha kontribut të rëndësishëm në informimin e popullatës në Kosovë përmes valëve të radio Zagrebit dhe Radio Tiranës.

Pas përfundimit të luftës në Kosovë, Shaqiri vazhdoi me angazhim në gazetari, fillimisht në Radio Ferizaj dhe Radio Tema, e më pas mori pozita udhëheqëse në Radio Televizionin e Kosovës (RTK), përfshirë atë të drejtorit të përgjithshëm.

Shaqiri lë pas një trashëgimi të rëndësishme profesionale dhe një kontribut të pazëvendësueshëm për gazetarinë në vend.

Në nderim jetës dhe veprës së tij, familja e të ndjerit në bashkëpunim me Komunën e Ferizajt dhe Klubin e Gazetarëve “Haki Braha” në Ferizaj, do të mbajnë sot (19.04.2025) mbledhje komemorative me fillim nga 14:00 në Teatrin “Adriana” në Ferizaj.

Ferizaj

Është ndarë nga jeta mjekja e mirënjohur ferizajase Dr. Rushe Ramadani Rushiti

Published

1 week ago

11 April, 2025

Redaksia

Është ndarë nga jeta mjekja e mirënjohur ferizajase Dr. Rushe Ramadani Rushiti.

Lajmi u bë i ditur nga familjarët dhe kolegët në rrjetin social Facebook.

Dr.Rrushja kreu studimet në Fakultetin e Mjekësisë në Universitetin e Prishtinës kurse specializimin për Obstetrikë-Gjinekologji e kreu në Tiranë.

Punën si mjeke e përgjithshme ajo e filloi në vitin 1984 në maternitetin e Shtëpisë së Shëndetit në Ferizaj kurse pas largimit nga puna nga organet e dhunshme serbe vazhdoi punën në maternitetin e improvizuar “Nëna Terezë” në Prishtinë.

Pas çlirimit, Dr.Rrushja vazhdoi punën në Spitalin e Ferizajt ku organizoi funksionalizimin e Repartit të Gjinekologjisë kurse vitet e fundit ishte angazhuar në poliklinën “Zeka” në Ferizaj.

Mbledhja komemorative për Dr. Rushe Ramadani Rushiti do të mbahet të shtunën (12 prill 2025), me fillim në ora 11:00 në Teatrin “Adriana” në Ferizaj.

Ferizaj

Të shtunën disa fshatra të regjionit të Ferizajt do të mbeten pa rrymë

Published

2 weeks ago

04 April, 2025

webmaster

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.