Connect with us

Ferizaj

10 të lënduar nga shpërthimi i zjarrit në ndërtesën kolektive në Ferizaj

Published

on

Të paktën dhjetë persona, përfshirë një zjarrfikës, kanë pësuar lëndime trupore apo asfiksim nga një incident zjarri i cili ndodhi natën e së dielës në një ndërtesë kolektive në Ferizaj.

Policia e Kosovës ka njoftuar se Njësia e Hetimeve  në koordinim me prokurorin kujdestar ka filluar hetimet për shkaqet e këtij incidenti.

Njoftimi i policisë:

Me datë 11.02.2024 rreth orës 22:28 kemi pranuar një informatë se në rrugën “Dëshmorët e Kombit” në Ferizaj tek një objekt banesor është një incident zjarri.

Ekipe të policisë, zjarrfikësit dhe ekipe të emergjencave kanë dalë në vendin e ngjarjes.

Për pasojë e këtij incidenti të zjarrit, ndihmë mjekësore në Qendrën Emergjente kanë kërkuar 10 persona, ndërsa 5 prej tyre janë dërguar për tretman të mëtutjeshëm në QKUK në Prishtinë.

Policia i ka marrë të gjitha masat e nevojshme, duke i evakuuar banorët për shkak të tymit të krijuar.

Zjarri dyshohet se ka filluar tek njehsorët elektrik të kësaj ndërtese, ndërsa janë njoftuar edhe ekipe të KEDS të cilët kanë dalë gjithashtu në vendin e ngjarjes.

Njësia e Hetimeve  në koordinim me prokurorin kujdestar ka filluar hetimet për shkaqet e këtij incidenti. 

Ferizaj

Arrestohen katër persona të dyshuar që po përgatisnin një vrasje

Published

on

Policia e Kosovës ka arrestuar katër persona nën dyshimin për përgatitje të një vrasjeje.

Në raportin 24-orësh, Policia ka bërë të ditur se mes Prishtinës dhe Pejë, të dyshuarit u kapën në flagrancë teksa po merrnin armët për kryerjen e vrasjes.

“Gjatë operacionit policor janë kontrolluar vendbanimet e të dyshuarave në katër lokacione të ndryshme ku gjatë kontrollit janë gjetur dhe sekuestruar dy armë, municion të kalibrave të ndryshëm si dhe disa dëshmi tjera të rëndësishme”, thuhet më tej në njoftim.

Tre nga të arrestuarit  janë dërguar në mbajtje, ndërsa njëri është liruar në procedurë të rregullt.

Continue Reading

Ferizaj

Është ndarë nga jeta afaristi ferizajas Sami Krasniqi

Published

on

Është ndarë nga jeta afaristi ferizajas Sami (Tahir) Krasniqi.

I ndjeri ishte pronar i kompanisë prodhuese “Ferplast”.

Njoftimi u bë nga familjarët përmes rrjeteve sociale.

Varrimi i të ndjerit bëhet sot, 30.01.2025, në ora 12:00, në varrezat e reja të qytetit në Fshat të Vjetër.

Continue Reading

Ferizaj

Ferizaj pa rrymë për më shumë se 5 orë

Published

on

Ferizaj është përballur me një ndërprerje të energjisë elektrike që nga ora 17:00, e cila po zgjat tashmë për më shumë se pesë orë.

Sipas raportimeve, ndërprerja ka prekur jo vetëm qendrën e qytetit, por edhe disa fshatra përreth.

KEDS, kompania përgjegjëse për shpërndarjen e energjisë elektrike, ka bërë të ditur se shkaku i ndërprerjes është një lidhje e shkurtër Fazë-Tokë (Phase to Earth).

Banorët e Ferizajt kanë shprehur shqetësim për ndërprerjet e shpeshta të rrymës në javët e fundit. KEDS ka deklaruar më parë se këto ndërprerje janë rezultat i mbingarkesës në rrjet për shkak të rritjes së konsumit të energjisë elektrike.

Ndërsa KOSST ka njoftuar se nesër, më 23 janar 2025, në orën 13:00, do të inaugurohet transformatori i ri elektrik 110/35/10(20)kV Ferizaj 3 – Kastriot.

Sipas deklaratave të drejtorit të KOSST dhe ministres së Ekonomisë, Artane Rizvanolli, ky transformator pritet që të stabilizojë problemin e mbingarkesës në furnizimin me energji elektrike në Ferizaj.

Continue Reading

Trending