Gjatë ditës së djeshme, Policia e Kosovës, ka zbuluar dhe konfiskuar në një fshat të Gjilanit mbi 2.4 kg heroinë, 5 armë të gjata, dy revole dhe municione të ndryshme.
I dyshuari A.A., viti i lindjes 1999, mashkull me shtetësi maqedonase i përfshirë në trafikim me lëndë narkotike brenda dhe jashtë territorit të Republikës se Kosovës është në kërkim nga policia.
Njoftimi i plotë:
Hetuesit policorë për Hetimin e Trafikimit me Narkotik-Njësia Gjilan, pas hetimeve të zhvilluar ndaj një të dyshuari, më 09.02.2024, të mbështetur edhe nga njësi tjera policore, kanë realizuar urdhëresën e Gjykatës Themelore Gjilan për urdhër kontrolli.
Policia ka kryer kontrolle në katër lokacione me qellim të sigurimit të provave materiale, pasi që paraprakisht është siguruar informacioni se i dyshuari është i përfshirë në trafikim me lëndë narkotike brenda dhe jashtë territorit të Republikës se Kosovës.
Gjatë kontrollit në vend-banimin e të dyshuarit A.A., viti i lindjes 1999, mashkull me shtetësi maqedonase, në një fshat të Gjilanit, janë sekuestruar në cilësinë e provës materiale:
2.4 kg lëndë narkotike, dyshohet të jetë heroinë, 6.8 gram-lëndë narkotike dyshohet të jetë marihuanë, dy armë të shkurta, pesë armë të gjata, një veturë me targa të Kumanovës, një veturë me targa vendore dhe një sasi e municionit kalibrash të ndryshme.
Gjatë realizimit të urdhër kontrollit, i dyshuari nuk ka qenë prezent, por është njoftuar nga familjarët që të paraqitet në vendngjarje, i njëjti nuk i është përgjigjur ftesës zyrtarëve policore dhe ndodhet në arrati.
Lidhur me narkotikët, hetimet janë duke u zhvilluar nga njësiti për Hetimin e Trafikimit me Narkotik në Gjilan ndërsa rastin për armët e sekuestruara janë duke u marruar njësitë tjera për shkak të kompetencave lëndore.
Substanca e dyshuar narkotike është konfirmuar pozitive pasi të njëjtës i është bërë testi fushor. Për të gjitha veprimet e ndërmarra nga policia është njoftuar prokuroria e shtetit.
Kryeministri i Kosovës, Albin Kurti, së bashku me Ministren e Ekonomisë, Artane Rizvanolli, dhe zyrtarë të tjerë, kanë lansuar sot thirrjen e dytë publike për subvencionimin e masave të efiçiencës së energjisë për shtëpitë individuale të banimit. Procesi i aplikimit do të hapet nesër, duke ofruar mundësi për qytetarët që të përfitojnë nga masa si izolimi i mureve të jashtme, izolimi i kulmit, dhe ndërrimi i dritareve dhe dyerve të jashtme, me mbështetje financiare deri në 45% të shumës së investimit. Mbështetja totale për një përfitues mund të arrijë deri në 5,500 euro.
Kryeministri Kurti theksoi se interesimi për thirrjen e parë vitin e kaluar ishte i madh dhe për këtë arsye, thirrja e dytë do të jetë e hapur për vetëm dy javë, ndryshe nga planifikimi fillestar.
“Thirrja ka qenë e parimit të njëjtë, kush vjen i pari, shërbehet i pari. Interesimi ka qenë i lartë dhe si rezultat, këtë herë thirrja do të jetë e hapur për dy javë,” deklaroi Kryeministri Kurti. Ai u bëri thirrje qytetarëve të aplikojnë sa më parë për të përfituar nga kjo mundësi e rëndësishme për të ulur shpenzimet e energjisë dhe për të përmirësuar cilësinë e jetesës në shtëpitë e tyre.
Ministrja Rizvanolli shtoi se ky projekt është pjesë e pakos së përkrahjes emergjente të BE-së për shtetet e Ballkanit Perëndimor, ku Kosova ka përfituar 75 milionë euro, shumën më të lartë për kokë banori në rajon. “Qëllimi i kësaj pakoje ishte zbutja e efekteve socio-ekonomike. Masat janë dizajnuar për të përmirësuar cilësinë e jetesës dhe për të ulur shpenzimet e energjisë për familjet dhe bizneset tona,” shpjegoi ajo.
Qytetarët që dëshirojnë të aplikojnë duhet të sigurojnë që kanë një llogari të hapur në platformën e-Kosova dhe të kenë kryer verifikimin e nivelit të dytë. Aplikimi përfshin disa hapa të detajuara që duhet të ndiqen për të përfunduar me sukses procesin.
Për më shumë informacione dhe udhëzime për procesin e aplikimit, qytetarët mund të vizitojnë faqen zyrtare të Fondit të Kosovës për Efiçiencë të Energjisë (FKEE) ose të kontaktojnë zyrat e FKEE në Prishtinë ose në Mitrovicën e Veriut.
Në dy javët e fundit tre persona kanë vdekur nga pasojat e infektimit me koronavirus derisa janë regjistruar 661 raste pozitive.
Instituti Kombëtar i Shëndetësisë Publike ka njoftuar se nga rastet e raportuar 119 prej tyre i takojnë grup- moshës prej 50 deri në 59 vjeç kurse 116 raste të tjera janë të grup-moshës prej 20 deri në 29 vjeç.
Në përditësimin e fundit, IKSHPK kërkon ngritje të vigjilencës nga ana e punëtorëve shëndetësorë, respektimin e masave mbrojtës dhe reduktimin e vizitave të familjarëve në institucionet shëndetësore që merren me trajtimin e rasteve me COVID-19.
Rastet që rezultojnë pozitiv në SARS-CoV-2 rekomandohet të izolohen për 5 ditë, kurse kthimi në aktivitetet normale pune të bëhet sipas rekomandimit të mjekut.
“Vaksinimi vazhdon të jetë masa mbrojtëse me efikase kundër COVID-19 dhe gripit, veçanërisht ndaj formave të rënda të sëmundjes. Mbrojtja përmes vaksinës e individëve në rrezik të lartë të rezultateve të rënda (si p.sh. të moshuarit) mbetet i rëndësishëm,” thuhet mes tjerash në njoftim.
Instituti Kombëtar i Shëndetësisë Publike njoftoi për dy raste të vdekjes nga COVID-19, të regjistruara gjatë javën e kaluar në vendin tonë, përderisa ka edhe një rritje të dukshme të rasteve të prekura me këtë virus.
Sipas njoftimit, gjatë kësaj periudhe kohore (14-19 gusht 2024) nga 400 testime të kryera për Covid-19 rezultuan 177 raste pozitive, shumica prej tyre me simptoma respiratore.
Dy pacientët që humbën jetën në Klinikën infektive, ishin të moshës 80 përkatësisht 67 vjeç vuanin edhe nga sëmundje të tjera të rënda kronike.
Aktualisht në Klinikën Infektive janë duke u trajtuar 11 pacientë ku dy prej tyre janë me oksigjeno-terapi.
Instituti Kombëtar i Shëndetësisë Publike ka rekomanduar njerëzit me sëmundje të rënda kronike të vaksinohen për t’u mbrojtur nga Covid-19.
“Vaksinimi vazhdon të jetë masë efektive mbrojtëse, veçanërisht ndaj formave më të rënda të sëmundjes dhe, për shkak të zbehjes së imunitetit me kalimin e kohës, individët në rrezik më të lartë dhe sëmundje kronike, rekomandohet të vaksinohen.” thuhet mes tjerash në komunikatë.