Connect with us

Ferizaj

Policia tenton sensibilizimin e shoferëve në Ferizaj

Published

on

Policia Rajonale e Ferizajt realizoi një fushatë sensibilizuese ‘’Këshilla për sigurinë në trafik’’ që u mbajt në Ferizaj.

Qëllimi i kësaj fushate ishte sensibilizimi i drejtuesve të automjeteve, motoçikletave dhe këmbësorëve, pjesëmarrës në komunikacion, që të repsketojnë rregullat dhe ligjin e komunikacionit.

Me këtë rast policia shpërndau fletëpalosje me disa porosi për të gjithë pjesëmarrësit në komunikacion :

– Respektoni shpejtësinë e kufizuar, përshtatuni kushteve të rrugës , kushteve atmosferike dhe dukshmërisë në rrugë.

– Mos përdor telefonin gjatë ngasjes

– Mos tejkalo në vijë të plotë

– Stop drejtimit të mjetit nën ndikimin e alkoolit dhe substancave narkotike

– Vendose rripin e sigurisë

– Shofer kujdes ndaj këmbësorëve

– Këmbësorë shfrytëzone vendkalimin për këmbësor dhe ec në trotuar, ndërsa në rrugët pa trotuar, ec në anën e majtë

Ishte edhe një përpjekje e policisë rajonale të Ferizajt që të ndërgjegjësojë të gjithë pjesëmarrësit në komunikacion me qëllim parandalimin e aksidenteve.

Kësisoj, policia rajonale e Ferizajt do të shpërndajë fletëpalosje edhe në komunat : Kaçanik, Shtime, Shtërpcë dhe Hani Elezit.

Ferizaj

Të shtunën disa fshatra të regjionit të Ferizajt do të mbeten pa rrymë

Published

on

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.

Continue Reading

Ferizaj

Arrestohen edhe dy persona për vjedhjen në Dremjak të Ferizajt

Published

on

Policia ka arrestuar edhe dy persona të tjerë të moshës së mitur të cilët ishin në kërkim për vjedhje të kryer në fshatin Dremjak, komuna e Ferizajt. Kështu numri i të arrestuarve për këtë vjedhje arrin në 5, pasi më 31 mars ishin arrestuar në flagrancë 3 të dyshuar.

Në njoftimin e policisë bëhet e ditur se më 1 prill, me urdhër të prokurorit të shtetit dhe me pëlqimin e familjarëve, njësia e hetimeve të stacionit policor në Ferizaj, ka kryer bastisje në fshatin Talinoc i Muhaxherëve.

Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj.

Si rezultat i këtyre bastisjeve, janë arrestuar dy të dyshuarit e fundit: E.H., 16 vjeç dhe V.L., poashtu 16 vjeç derisa mԯ herët janë arrestuar edhe A.H., 24 vjeç, A.H., 20 vjeç dhe E.S., 16 vjeç.

Me vendim të prokurorit të shtetit për të mitur, të dyshuarit janë ndaluar për 24 orë, thuhet në njoftimin e policisë.

Continue Reading

Ferizaj

Prokuroria në Ferizaj do të mbajë konferencë për media për rastin e vrasjes të Muhamed Likës

Published

on

Prokuroria Themelore në Ferizaj ka njoftuar se do të mbajë sot konferencë për media për rastin e vrasjes të rreshterit të Policisë së Kosovës në Kaçanik, Muhamed Lika.

Konferenca do të mbahet nga ora 14:30, në objektin e Prokurorisë Themelore në Ferizaj.

“Pjesëmarrës në këtë konferencë do të jenë Kryeprokurori i Prokurorisë Themelore në Ferizaj, z.Burim Çerkini, prokurori i çështjes z.Ismet Rrahmani, si dhe përfaqësues nga Policia e Kosovës”, thuhet në njoftimin e prokurorisë.

Rreshteri i Policisë së Kosovës, Muhamed Lika, është vrarë në orët e vona të 1 prillit, në hyrje të banesës së tij në Kaçanik.

Ceremonia e varrimit e të ndjerit do të mbahet pas orës 17:00 në Varrezat e Dëshmorëve në Kaçanik, njoftuan familjarët përmes rrjeteve sociale.

Continue Reading

Trending