Ferizaj

Salla e sporteve “Bill Clinton”, gati më 26 maj

Published

2 years ago

19 May, 2023

Fondi i Kosovës për Efiçiencë të Energjisë, që po udhëheqë me projektin e renovimit të sallës së sporteve “Bill Clinton” thotë se punimet aty do të kryhen më 26 maj.

Pasi që punimet nuk u kryen më 15 maj siç ishte planifikuar, TV TEMA drejtoi pyetje tek ky institucion për të marrë vesh se çka ka ndodh.

Fondi thotë punëkryesi hasi në pengesa gjatë punës.

“Ju njoftojmë se për shkak të pengesave të hasura nga kontraktori për qasje të plotë në sallën që është duke u punuar (shkaku i aktiviteteve të mbajtura më parë), të konfirmuara edhe nga kompania mbikëqyrëse, sipas procedurave të brendshme dhe bazuar në kushtet e kontratës, është aprovuar zëvendësimi i vetëm 11 ditëve shtesë për finalizim të projektit, nga 18 ditë të kërkuara nga kompania punëkryese. Kështu, afati final i kryerjes së punëve nga 15 maj është caktuar 26 maj 2023. Për këtë është njoftuar edhe Komuna si përfituese dhe palët e përfshira në procesin e punimeve“, thuhet në përgjigjen e Fondit për TV TEMA.

Në përgjigjen e Fondit tregohet se do të shikohet edhe cilësia e punimeve pasi që të dorëzohet salla.

“Cilësia e punimeve është subjekt i verifikimit pas përfundimit të projektit, si proces i pavarur dhe i përbashkët me Komunën si përfituese, duke përfshirë edhe përgjegjësisë për korrigjimin e defekteve eventuale brenda një afati, sipas kushteve të kontratës“, thuhet në përgjigje.

Storja e publikuar nga TV TEMA më 16 maj rreth kësaj çështjeje:

Ferizaj

Arrestohen katër persona të dyshuar që po përgatisnin një vrasje

Published

6 days ago

30 January, 2025

Redaksia

Policia e Kosovës ka arrestuar katër persona nën dyshimin për përgatitje të një vrasjeje.

Në raportin 24-orësh, Policia ka bërë të ditur se mes Prishtinës dhe Pejë, të dyshuarit u kapën në flagrancë teksa po merrnin armët për kryerjen e vrasjes.

“Gjatë operacionit policor janë kontrolluar vendbanimet e të dyshuarave në katër lokacione të ndryshme ku gjatë kontrollit janë gjetur dhe sekuestruar dy armë, municion të kalibrave të ndryshëm si dhe disa dëshmi tjera të rëndësishme”, thuhet më tej në njoftim.

Tre nga të arrestuarit janë dërguar në mbajtje, ndërsa njëri është liruar në procedurë të rregullt.

Ferizaj

Është ndarë nga jeta afaristi ferizajas Sami Krasniqi

Published

6 days ago

30 January, 2025

Redaksia

Është ndarë nga jeta afaristi ferizajas Sami (Tahir) Krasniqi.

I ndjeri ishte pronar i kompanisë prodhuese “Ferplast”.

Njoftimi u bë nga familjarët përmes rrjeteve sociale.

Varrimi i të ndjerit bëhet sot, 30.01.2025, në ora 12:00, në varrezat e reja të qytetit në Fshat të Vjetër.

Ferizaj

Ferizaj pa rrymë për më shumë se 5 orë

Published

2 weeks ago

22 January, 2025

webmaster

Ferizaj është përballur me një ndërprerje të energjisë elektrike që nga ora 17:00, e cila po zgjat tashmë për më shumë se pesë orë.

Sipas raportimeve, ndërprerja ka prekur jo vetëm qendrën e qytetit, por edhe disa fshatra përreth.

KEDS, kompania përgjegjëse për shpërndarjen e energjisë elektrike, ka bërë të ditur se shkaku i ndërprerjes është një lidhje e shkurtër Fazë-Tokë (Phase to Earth).

Banorët e Ferizajt kanë shprehur shqetësim për ndërprerjet e shpeshta të rrymës në javët e fundit. KEDS ka deklaruar më parë se këto ndërprerje janë rezultat i mbingarkesës në rrjet për shkak të rritjes së konsumit të energjisë elektrike.

Ndërsa KOSST ka njoftuar se nesër, më 23 janar 2025, në orën 13:00, do të inaugurohet transformatori i ri elektrik 110/35/10(20)kV Ferizaj 3 – Kastriot.

Sipas deklaratave të drejtorit të KOSST dhe ministres së Ekonomisë, Artane Rizvanolli, ky transformator pritet që të stabilizojë problemin e mbingarkesës në furnizimin me energji elektrike në Ferizaj.