Ferizaj

Rrahën një person dhe ikën, Policia arreston dy persona në Ferizaj

Published

3 years ago

27 July, 2022

administrator

Policia e Ferizajt ka arrestuar dy persona të mërkurën para mëngjesit për lëndim trupor, raporton TV TEMA.

Personat e arrestuar janë Sh.K 53 vjeç dhe E.K 28 vjeçar.

Dy të dyshuarit kanë ndaluar në rrugë viktimën A.S, 45 vjeçar, i shkaktuan lëndime dhe u larguan.

Prokurori, dy të dyshuarve pas intervistimit u ka caktuar masën e mbajtjes për 48 orë.

Raporti i plotë i Policisë:

Arrestohen dy persona për lëndim trupor në Ferizaj

Policia Rajonale e Ferizaj, sot në ora 01:15 të mëngjesit ka pranuar një informacion se në rrugën ‘’Xhemajl Kada’’ në Ferizaj është një rast i lëndimit trupor, ku dy persona i kishin shkaktuar lëndime trupore personit tjetër .

Në lidhje me këtë, policia e stacionit në Ferizaj i ka marr veprimet e nevojshme dhe menjëherë ka dalë në vendin e ngjarjes dhe në rast janë kyçur Njësia e Hetimeve, të cilët nën autorizim të Prokurorit kujdestar nga Prokuroria Themelore në Ferizaj kanë nisur hetimin dhe kërkimin e personave të dyshuar.

Pas një pune intenzive, grumbullimit të informacioneve në terren, policia ka identifikuar dy personat e dyshimtë dhe vendin e ndodhjes së tyre dhe më pas i ka shoqëruar në stacionin e policisë në Ferizaj .

Nga hetimet e para dyshohet që deri të kjo ngjarje ka ardhur, kur viktima A.S (M/K) i moshës 45 vjeçar, fillimisht kishte kanosur një mik të të dyshuarve, e më pas të dyshuarit me inicialet SH.K ( M/K) i moshës 53 vjeçar dhe E.K ( M/K) i moshës 28 vjeçar, e ndalojnë në rrugë viktimën A.S, i shkaktojnë lëndime trupore dhe largohen nga vendi i ngjarjes, ndërsa viktima është dërguar për ndihmë mjekësore në Qendrën Emergjente në Ferizaj.

Dy të dyshuarit, pasi janë intervistuar nga policët hetues, me vendim të Prokurorit janë ndaluar në mbajtje për 48 orë , për procedura të mëtejme hetimore, ndërsa rasti është cilësuar ‘’Lëndim i lehtë trupor’’.

Related Topics:Arrest Ferizaj Lëndim trupor Policia

Up Next

Gjukanoviq: Qëllimi i “Ballkanit të Hapur” – zhdukja e Kosovës

Don't Miss

Covid-19 nuk erdhi nga laboratori, studimet e fundit “fajësojnë” tregun e kafshëve

Click to comment

Ferizaj

15 të lënduar në 29 aksidente trafiku javën e kaluar në Ferizaj

Published

2 days ago

10 March, 2025

Redaksia

Policia e Ferizajt, brenda shtatë ditëve të fundit ka shqiptuar 1 mijë e 455 gjoba trafiku derisa janë pezulluar 10 patentë shoferë për shkelje të rënda në trafik.

Në raportin javor bëhet e ditur se janë evidentuar 29 aksidente në komunikacion.

Në 12 sosh mbetën të lënduar 15 persona derisa 17 aksidente ishin vetëm me dëme materiale.

Ferizaj

Më 7 mars ndërprerje e planifikuar e rrymës në Ferizaj

Published

7 days ago

05 March, 2025

Redaksia

Kompania për Distribuimin e Energjisë Elektrike (KEDS) ka njoftuar se më 7 mars 2025, në qytetin e Ferizajt dhe disa fshatra përreth, do të ketë ndërprerje të planifikuar të energjisë elektrike për shkak të punimeve të domosdoshme për sigurinë e sistemit dhe për kyçje të linjës së re NS Theranda – NS Ferizaj 3.

Sipas njoftimit, nga ora 09:00 deri në 13:00, pa energji elektrike do të mbeten disa lagje të qytetit, përfshirë: 1 Tetori (një pjesë), 28 Nëntori (një pjesë), Arsim Rexhepi, Bajram Kelmendi (një pjesë), Bilall Shala, Cen Dugolli, Driton Islami, e Reçakut, Ganimete Tërbeshi, Hasan Berisha (një pjesë), Magj. Ferizaj-Prishtinë (një pjesë), Metush Krasniqi (një pjesë), Ndre Mjeda (një pjesë), Nora Kelmendi (një pjesë), Bostonit, Brahim Ademi, Kadri Abazi, Driton Islami (një pjesë), e Reçakut (një pjesë), Magj.Ferizaj-Prishtinë (një pjesë), Ahmet Kaçiku, Bostonit, Cen Dugolli (një pjesë), Driton Islami, e Reçakut (një pjesë) she Sali Çeku, Fabrika e Vajit, Fabrika e Bukes, Fabrika e Gypave 2, 3 dhe 4, Afrim Kalanica (një pjesë), Arsim Bega, Balaj (një pjesë), Diogardi (një pjesë), Driton Islami, e Pashtrikut (një pjesë), Elbasanit (një pjesë), e Shkodrës, Epopeja e Jezercit, Fehmi Agani (një pjesë), Idriz Islami (një pjesë), Isak Sadiku (një pjesë), Limon Tahiri (një pjesë), Lutfi Haxhidema, Prekazit dhe Ramush Shatrolli (një pjesë) dhe Unioni E&R Invest.

Ndërprerja do të prekë gjithashtu edhe fshatrat Papaz, Pojatë, Rahovicë, Sazli, Softaj, Talinoc, Bublicë, Dramjak, Kosinë, Llojza, Lloshkobare, Saraishtë dhe Slivovë, ndërsa arsyeja kryesore e kësaj ndërprerjeje është krijimi i kushteve për kyçjen e linjës së re të tensionit të lartë.

Ndërprerje shtesë për shkak të punimeve teknike

Përveç kësaj, KEDS ka njoftuar se për shkak të zhvendosjes së një trafostacioni, në të njëjtën periudhë kohore (09:00 – 13:00), pa energji elektrike do të mbeten edhe rrugët Vëllezërit Gërvalla, Emin Duraku, Gëzim Sahiti, E Reçakut, Sali Çeku, Cen Dugolli dhe Ahmet Kaçiku.

Ferizaj

Arrestohen dy grabitësit e marketit në Ferizaj

Published

1 week ago

04 March, 2025

Redaksia

Policia në Ferizaj ka arrestuar dy persona të dyshuar për rastin e grabitjes me armë në një market në rrugën “Astrit Bytyqi” në Ferizaj, ku nën kërcënimin me armë , ata grabitën rreth 1 mijë euro.

Për këtë grabitje që ndodhi mbrëmjen e së hënës, rreth orës 18:15, policia ka identifikuar dhe arrestuar të dyshuarit I.D. 35 vjeç dhe M.Q. 27 vjeç.

Me urdhër të gjykatësit është kryer bastisja në banesën e të dyshuarve ku janë siguruar prova që lidhen me këtë rast.

Pas intervistimit, me vendim të prokurorit, të dyshuarit janë dërguar në mbajtje për 48 orë, thuhet mes tjerash në njoftimin e policisë së Ferizajt.