Ferizaj

Banorët e rrugës Agim Prodani në hall nga deponia ilegale

Published

4 years ago

28 August, 2021

Kjo hapësirë tek rruga Agim Prodani vazhdimisht është e mbushur me mbeturina.

Aty mund të gjenden mbeturina nga më të ndryshmet, duke përfshirë edhe thasë me bërllok, shishe të plastikës, qese, tepihë, perime e madje edhe objekte të forta si këto blloqe.

Fisnik Shehu, banor i kësaj ane tregon se përveç atyre vet, askush nga institucionet përgjegjëse asnjëherë nuk e ka larguar këtë deponi ilegale.

“Valla kjo është shumë moti, kemi bërë ankesa por askush nuk e ka marrë parasysh këtë vend. Krejt prej qytetit vijnë e i hedhin mbeturinat këtu. Krejt, po i sheh edhe vet mbeturinat si janë. Na qet shumë problem sepse natën nuk mundesh me ndejt në ballkon, as nuk mundesh me i lanë dritaret hapur nga erërat e këqija”.
Fisnik Shehu – Banor i Ferizajt

Gjatë kësaj vere, banorët e Ferizajt kanë shfaqur ankesa të vazhdueshme lidhur me joefikasitetin e kompanisë rajonale për pastrimin e mbeturinave, meqë në qytet akoma po paraqiten grumbuj mbeturinash dhe deponi ilegale të cilat po largohen me vonesë. Gjatë javës së shkuar probleme të tilla u shfaqën në rrugët “Naim Beka”, “Kadri Zeka” si dhe në disa pjesë të Lagjes së Re.

Ferizaj

Të shtunën disa fshatra të regjionit të Ferizajt do të mbeten pa rrymë

Published

1 day ago

04 April, 2025

webmaster

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.

Ferizaj

Arrestohen edhe dy persona për vjedhjen në Dremjak të Ferizajt

Published

2 days ago

03 April, 2025

Redaksia

Policia ka arrestuar edhe dy persona të tjerë të moshës së mitur të cilët ishin në kërkim për vjedhje të kryer në fshatin Dremjak, komuna e Ferizajt. Kështu numri i të arrestuarve për këtë vjedhje arrin në 5, pasi më 31 mars ishin arrestuar në flagrancë 3 të dyshuar.

Në njoftimin e policisë bëhet e ditur se më 1 prill, me urdhër të prokurorit të shtetit dhe me pëlqimin e familjarëve, njësia e hetimeve të stacionit policor në Ferizaj, ka kryer bastisje në fshatin Talinoc i Muhaxherëve.

Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj.

Si rezultat i këtyre bastisjeve, janë arrestuar dy të dyshuarit e fundit: E.H., 16 vjeç dhe V.L., poashtu 16 vjeç derisa mԯ herët janë arrestuar edhe A.H., 24 vjeç, A.H., 20 vjeç dhe E.S., 16 vjeç.

Me vendim të prokurorit të shtetit për të mitur, të dyshuarit janë ndaluar për 24 orë, thuhet në njoftimin e policisë.

Ferizaj

Prokuroria në Ferizaj do të mbajë konferencë për media për rastin e vrasjes të Muhamed Likës

Published

3 days ago

02 April, 2025

Redaksia

Prokuroria Themelore në Ferizaj ka njoftuar se do të mbajë sot konferencë për media për rastin e vrasjes të rreshterit të Policisë së Kosovës në Kaçanik, Muhamed Lika.

Konferenca do të mbahet nga ora 14:30, në objektin e Prokurorisë Themelore në Ferizaj.

“Pjesëmarrës në këtë konferencë do të jenë Kryeprokurori i Prokurorisë Themelore në Ferizaj, z.Burim Çerkini, prokurori i çështjes z.Ismet Rrahmani, si dhe përfaqësues nga Policia e Kosovës”, thuhet në njoftimin e prokurorisë.

Rreshteri i Policisë së Kosovës, Muhamed Lika, është vrarë në orët e vona të 1 prillit, në hyrje të banesës së tij në Kaçanik.

Ceremonia e varrimit e të ndjerit do të mbahet pas orës 17:00 në Varrezat e Dëshmorëve në Kaçanik, njoftuan familjarët përmes rrjeteve sociale.