Ferizaj

Nisin përgatitjet për edicionin e 6-të të MuralFestit

Published

4 years ago

08 June, 2021

Përveç se ia kanë shtuar bukurinë qytetit të Ferizajt, muralet tanimë janë bërë pjesë edhe e vet trashëgimisë kulturore të qytetit.

Festivali i muraleve “MuralFest” i cili është ideuar nga dy piktore Ferizajase, për pak ditë fillon me edicionin e vet të gjashtë, ku përmes pikturimit të fasadave, artistët i dhurojnë qytetit pamje të bukura në zemër të tij.

“Këtë vit e festojmë edicionin e gjashtë të festivalit të muraleve. Tema është Home(shtëpia), festivali fillon me 12 qershor dhe me 20 qershor përfundon. Këto data nuk janë rastësisht, data 12 qershor është përzgjedhë për ditën e çlirimit të qytetit tonë, data 20 është dita ndërkombëtare e refugjatëve. Data i shkojnë shumë trajtimit të temë që është shtëpia ku pjesën më të madhe e muraleve do ta trajtojnë vitin 99, eksodin, refugjatët e Kosovës dhe pikërisht datat janë përzgjedhë sipas temës” thotë Pranvera Sylejmani, drejtuese artistike e Muralfestit.

Për pikturimin e muraleve, gjatë këtij festivali marrin pjesë edhe artistë ndërkombëtar, të cilët punimet i kryejnë me inspirim nga tema e MuralFestit.

“Koncepti është home dhe kemi deshtë me tregu historinë tonë, prej eksodit 99′ e tutje. Ka elemente të kësaj periudhe. Të gjitha punimet i detikohen temës dhe këtij koncepti. Du me i falenderu shumë artistët që kanë me qenë pjesë e këtij edicioni, të cilët kanë punu dhe e kemi arritë atë pikën që e kemi deshtë ne si MuralFest”- thotë Lebibe Topalli, drejtoreshë ekzekutive e MuralFest-it.

MuralFest-i sivjetëm është zgjeruar gjeografikisht, dhe një pjesë e muraleve do të punohen edhe në qytetin e Gjakovës.

Ferizaj

15 të lënduar në 29 aksidente trafiku javën e kaluar në Ferizaj

Published

21 hours ago

10 March, 2025

Redaksia

Policia e Ferizajt, brenda shtatë ditëve të fundit ka shqiptuar 1 mijë e 455 gjoba trafiku derisa janë pezulluar 10 patentë shoferë për shkelje të rënda në trafik.

Në raportin javor bëhet e ditur se janë evidentuar 29 aksidente në komunikacion.

Në 12 sosh mbetën të lënduar 15 persona derisa 17 aksidente ishin vetëm me dëme materiale.

Ferizaj

Më 7 mars ndërprerje e planifikuar e rrymës në Ferizaj

Published

6 days ago

05 March, 2025

Redaksia

Kompania për Distribuimin e Energjisë Elektrike (KEDS) ka njoftuar se më 7 mars 2025, në qytetin e Ferizajt dhe disa fshatra përreth, do të ketë ndërprerje të planifikuar të energjisë elektrike për shkak të punimeve të domosdoshme për sigurinë e sistemit dhe për kyçje të linjës së re NS Theranda – NS Ferizaj 3.

Sipas njoftimit, nga ora 09:00 deri në 13:00, pa energji elektrike do të mbeten disa lagje të qytetit, përfshirë: 1 Tetori (një pjesë), 28 Nëntori (një pjesë), Arsim Rexhepi, Bajram Kelmendi (një pjesë), Bilall Shala, Cen Dugolli, Driton Islami, e Reçakut, Ganimete Tërbeshi, Hasan Berisha (një pjesë), Magj. Ferizaj-Prishtinë (një pjesë), Metush Krasniqi (një pjesë), Ndre Mjeda (një pjesë), Nora Kelmendi (një pjesë), Bostonit, Brahim Ademi, Kadri Abazi, Driton Islami (një pjesë), e Reçakut (një pjesë), Magj.Ferizaj-Prishtinë (një pjesë), Ahmet Kaçiku, Bostonit, Cen Dugolli (një pjesë), Driton Islami, e Reçakut (një pjesë) she Sali Çeku, Fabrika e Vajit, Fabrika e Bukes, Fabrika e Gypave 2, 3 dhe 4, Afrim Kalanica (një pjesë), Arsim Bega, Balaj (një pjesë), Diogardi (një pjesë), Driton Islami, e Pashtrikut (një pjesë), Elbasanit (një pjesë), e Shkodrës, Epopeja e Jezercit, Fehmi Agani (një pjesë), Idriz Islami (një pjesë), Isak Sadiku (një pjesë), Limon Tahiri (një pjesë), Lutfi Haxhidema, Prekazit dhe Ramush Shatrolli (një pjesë) dhe Unioni E&R Invest.

Ndërprerja do të prekë gjithashtu edhe fshatrat Papaz, Pojatë, Rahovicë, Sazli, Softaj, Talinoc, Bublicë, Dramjak, Kosinë, Llojza, Lloshkobare, Saraishtë dhe Slivovë, ndërsa arsyeja kryesore e kësaj ndërprerjeje është krijimi i kushteve për kyçjen e linjës së re të tensionit të lartë.

Ndërprerje shtesë për shkak të punimeve teknike

Përveç kësaj, KEDS ka njoftuar se për shkak të zhvendosjes së një trafostacioni, në të njëjtën periudhë kohore (09:00 – 13:00), pa energji elektrike do të mbeten edhe rrugët Vëllezërit Gërvalla, Emin Duraku, Gëzim Sahiti, E Reçakut, Sali Çeku, Cen Dugolli dhe Ahmet Kaçiku.

Ferizaj

Arrestohen dy grabitësit e marketit në Ferizaj

Published

7 days ago

04 March, 2025

Redaksia

Policia në Ferizaj ka arrestuar dy persona të dyshuar për rastin e grabitjes me armë në një market në rrugën “Astrit Bytyqi” në Ferizaj, ku nën kërcënimin me armë , ata grabitën rreth 1 mijë euro.

Për këtë grabitje që ndodhi mbrëmjen e së hënës, rreth orës 18:15, policia ka identifikuar dhe arrestuar të dyshuarit I.D. 35 vjeç dhe M.Q. 27 vjeç.

Me urdhër të gjykatësit është kryer bastisja në banesën e të dyshuarve ku janë siguruar prova që lidhen me këtë rast.

Pas intervistimit, me vendim të prokurorit, të dyshuarit janë dërguar në mbajtje për 48 orë, thuhet mes tjerash në njoftimin e policisë së Ferizajt.