Ferizaj

Përurohet nënkalimi në fshatin Nikadin

Published

4 years ago

18 November, 2020

Një përurim jo i zakonshëm u pa sot në nënkalimin i cili u ndërtua në fshatin Nikadin.

Me vetura e duke i rënë borisë komunarët e Ferizajt këputën shiritin e këtij nënkalimi, që nga ta po konsiderohet si njëri ndër projektet më të kompletuara në Ferizaj.

Kryetari i komunës së Ferizajt Agim Aliu, tha se ky projekt i jep fund aksidenteve nga treni që shpeshherë kanë përfunduar edhe me fatalitet në këtë lokalitet.

”Ky nënkalim është një mundësi më shumë për zhvillimin ekonomik të vazhdueshëm të të gjitha bizneseve, por jo vetëm të Ferizajt dhe rëndësia është se sot ne, më18 nëntor të vitit 2020, po përmbyllim një epokë e cila ka mundur të shkruhet fatkeqësisht edhe me shkronja të zeza për familjarët, sepse ka qenë pikë e zezë në kuptimin e shfaqjes së pasigurisë të kalimit qoftë si këmbësor, qoftë si automjete. Pra, sot me këtë nënkalim ne po i japim më shumë siguri këmbësorëve, po i japim më shumë siguri çiklistëve, automjeteve individuale dhe ato në funksion të bizneseve”, u shpreh Aliu.

Zëvendësministri i Infrastrukturës Xhavit Zariqi, tha se shpreson që projekte të tilla të realizohen edhe më tutje në Ferizaj.

“Unë e uroj kryetarin për realizimin e këtyre projekteve të rëndësishme për të gjithë qytetarët dhe zhvillimin ekonomik dhe uroj qytetarët që tani më nuk kanë rrezik për të kaluar në këtë pjesë dhe uroj që projektet e tilla të vazhdojnë edhe më tutje”, tha Zariqi.

Arkitektët e këtij projekti e cilësuan të nevojshëm kaherë ndërtimin e këtij nënkalimi.

”Këto projekte i japin jetë qytetit, rritin zhvillimin ekonomik, rritin mirëqenien sociale të qytetarëve, e shtojnë sigurinë dhe mbi të gjtiha i japin Ferizajt një pamje si Monte Carlo”, tha Sabri Ramadani, arkitekt.

“Sot është një ditë e madhe për mua, ne e kemi ditë rrezikshmërinë e qytetit tonë dhe tani i erdhi radha që këto gjëra t’i studiojmë më konkretisht“, tha arkitekti Arsim Murseli.

Ky projekt infrastrukturor i realizuar nga kompania ”Eskavatori”, komunës së Ferizajt i ka kushtuar 750 mijë euro.

Ferizaj

Mbledhja komemorative për gazetarin Sylejman Shaqiri mbahet sot nga ora 14:00 në teatrin “Adriana” në Ferizaj

Published

2 hours ago

19 April, 2025

webmaster

Lajmi u bë i njohur nga familjarët përmes rrjeteve sociale.

Shaqiri ka qenë një figurë e rëndësishme në gazetarinë kosovare për dekada me radhë. Karrierën e tij e nisi në fillim të viteve ’80 në Radio Ferizaj, ku ushtroi detyrën e kryeredaktorit dhe drejtorit.

Më pas, ai vazhdoi punën në Radio Televizionin e Prishtinës (RTP) si gazetar dhe redaktor përgjegjës.

Pas mbylljes së dhunshme të RTP-së në vitet ’90, Shaqiri dha kontribut të rëndësishëm në informimin e popullatës në Kosovë përmes valëve të radio Zagrebit dhe Radio Tiranës.

Pas përfundimit të luftës në Kosovë, Shaqiri vazhdoi me angazhim në gazetari, fillimisht në Radio Ferizaj dhe Radio Tema, e më pas mori pozita udhëheqëse në Radio Televizionin e Kosovës (RTK), përfshirë atë të drejtorit të përgjithshëm.

Shaqiri lë pas një trashëgimi të rëndësishme profesionale dhe një kontribut të pazëvendësueshëm për gazetarinë në vend.

Në nderim jetës dhe veprës së tij, familja e të ndjerit në bashkëpunim me Komunën e Ferizajt dhe Klubin e Gazetarëve “Haki Braha” në Ferizaj, do të mbajnë sot (19.04.2025) mbledhje komemorative me fillim nga 14:00 në Teatrin “Adriana” në Ferizaj.

Ferizaj

Është ndarë nga jeta mjekja e mirënjohur ferizajase Dr. Rushe Ramadani Rushiti

Published

1 week ago

11 April, 2025

Redaksia

Është ndarë nga jeta mjekja e mirënjohur ferizajase Dr. Rushe Ramadani Rushiti.

Lajmi u bë i ditur nga familjarët dhe kolegët në rrjetin social Facebook.

Dr.Rrushja kreu studimet në Fakultetin e Mjekësisë në Universitetin e Prishtinës kurse specializimin për Obstetrikë-Gjinekologji e kreu në Tiranë.

Punën si mjeke e përgjithshme ajo e filloi në vitin 1984 në maternitetin e Shtëpisë së Shëndetit në Ferizaj kurse pas largimit nga puna nga organet e dhunshme serbe vazhdoi punën në maternitetin e improvizuar “Nëna Terezë” në Prishtinë.

Pas çlirimit, Dr.Rrushja vazhdoi punën në Spitalin e Ferizajt ku organizoi funksionalizimin e Repartit të Gjinekologjisë kurse vitet e fundit ishte angazhuar në poliklinën “Zeka” në Ferizaj.

Mbledhja komemorative për Dr. Rushe Ramadani Rushiti do të mbahet të shtunën (12 prill 2025), me fillim në ora 11:00 në Teatrin “Adriana” në Ferizaj.

Ferizaj

Të shtunën disa fshatra të regjionit të Ferizajt do të mbeten pa rrymë

Published

2 weeks ago

04 April, 2025

webmaster

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.