Ferizaj

Gastronomët kundër masave të reja të Qeverisë

Published

4 years ago

02 November, 2020

Nga sot kanë hyrë në fuqi 29 masat e reja të miratuara nga Qeveria e Kosovës për mbrojtje nga pandemia COVID-19.

E me këto masa Qeveria ua ka ndaluar restoranteve dhe kafeterive funksionimin nga ora 21:00 deri në orën 05:00 të mëngjesit, përveç shërbimeve “Merr me vete“.

Përfaqësuesi i këtij sektori në Ferizaj, Agon Zhinipotoku, thotë se pronarë të gastronomisë janë lodhur nga masat të cilat po vendosen nga Qeveria e ku më i atakuari po është ky sektor.

“Është absurde që nëse deri në orën 21:00 ke të drejtë me dalë e me u shërby me cafe e ushqim atëherë pse jo edhe më gjatë, nuk mendoj që virusi nuk është prezent ditën dhe jo natën, është vendim i qeverisë, por ne deri tash kemi qenë të hendikepuar, na është ndaluar muzika nga ora 21:00 jemi pajtuar me këtë por tani kanë vendosur edhe masa shtesë. Na ka thënë që dy javë do të jetë ky vendim, kemi protestuar disa herë, kemi thyer pjatat, kemi dorëzuar çelësat dhe na është vazhduar për 1 orë, mandej pa muzikë që për neve nuk ia vleu me punu e tash edhe më hiç “, tha Zhinipotoku.

Kurse epidemiologët po i mirëpresin masat kufizuese që i ka vendosur qeveria.

“Qeveria e Kosovës në bazë të propozimit të IKSHPK-së duke parë rrezikun që prapë po shkon në rritje numri i të infektuarve ka ndërmarrë masa më të rrepta në mbrojtje të popullatës duke bërë kufizim, por të gjitha kato masa janë shumë të mirëseardhura pasi unë shoh nëpër furra, në markete që shumë pak respektohen masat, e sidomos maska. Ne menjëherë i kemi harruar muajt e parë duke menduar që s’ka më virus”, tha Sylejman Topalli, epidemiolog.

Po ashtu, me masat e reja Qeveria e Kosovës ka vendosur që mësimi në nivelin e lartë arsimor të zhvillohet online, por jo edhe ai fillor dhe i mesëm duke ngjallur kështu reagime të shumta.

Epidemiologu në pension, Topalli sqaron pse ka mundur të vie deri te një vendim i tillë.

“Statistikat kanë treguar që nxënësit më pak infektohen dhe sigurisht qeveria e ka paraparë këtë situatë dhe normal vitet fillore janë më probem me zhvillu mësimin online dhe këto kanë mundur me qenë shkaku pse shkollat fillore dhe të mesme nuk janë mbyllur“,tha Topalli.

Ndër masat e tjera që Qeveria e Kosovës ka vendosur është ndalimi i grumbullimit të qytetarëve në numër prej më shumë se 5 personash në sheshe publike, parqe dhe vende të tjera publike. Personat me sëmundje kronike dhe gratë shtatzëna lirohen nga paraqitja në punë dhe punëdhënësit udhëzohen të krijojnë kushtet për angazhimin e tyre online nga shtëpia. Personave mbi moshën 65 vjeçare u lejohet dalja jashtë shtëpisë gjatë orarit 6:00- 10:00 dhe 16:00-19:00. Jashtë këtij orari kanë të drejtë të dalin vetëm për nevoja shëndetësore.

Këto vendime do të vlerësohet brenda dy javësh dhe varësisht nga situata epidemiologjike do të vlejnë deri në një vendim tjetër.

Ferizaj

15 të lënduar në 29 aksidente trafiku javën e kaluar në Ferizaj

Published

21 hours ago

10 March, 2025

Redaksia

Policia e Ferizajt, brenda shtatë ditëve të fundit ka shqiptuar 1 mijë e 455 gjoba trafiku derisa janë pezulluar 10 patentë shoferë për shkelje të rënda në trafik.

Në raportin javor bëhet e ditur se janë evidentuar 29 aksidente në komunikacion.

Në 12 sosh mbetën të lënduar 15 persona derisa 17 aksidente ishin vetëm me dëme materiale.

Ferizaj

Më 7 mars ndërprerje e planifikuar e rrymës në Ferizaj

Published

6 days ago

05 March, 2025

Redaksia

Kompania për Distribuimin e Energjisë Elektrike (KEDS) ka njoftuar se më 7 mars 2025, në qytetin e Ferizajt dhe disa fshatra përreth, do të ketë ndërprerje të planifikuar të energjisë elektrike për shkak të punimeve të domosdoshme për sigurinë e sistemit dhe për kyçje të linjës së re NS Theranda – NS Ferizaj 3.

Sipas njoftimit, nga ora 09:00 deri në 13:00, pa energji elektrike do të mbeten disa lagje të qytetit, përfshirë: 1 Tetori (një pjesë), 28 Nëntori (një pjesë), Arsim Rexhepi, Bajram Kelmendi (një pjesë), Bilall Shala, Cen Dugolli, Driton Islami, e Reçakut, Ganimete Tërbeshi, Hasan Berisha (një pjesë), Magj. Ferizaj-Prishtinë (një pjesë), Metush Krasniqi (një pjesë), Ndre Mjeda (një pjesë), Nora Kelmendi (një pjesë), Bostonit, Brahim Ademi, Kadri Abazi, Driton Islami (një pjesë), e Reçakut (një pjesë), Magj.Ferizaj-Prishtinë (një pjesë), Ahmet Kaçiku, Bostonit, Cen Dugolli (një pjesë), Driton Islami, e Reçakut (një pjesë) she Sali Çeku, Fabrika e Vajit, Fabrika e Bukes, Fabrika e Gypave 2, 3 dhe 4, Afrim Kalanica (një pjesë), Arsim Bega, Balaj (një pjesë), Diogardi (një pjesë), Driton Islami, e Pashtrikut (një pjesë), Elbasanit (një pjesë), e Shkodrës, Epopeja e Jezercit, Fehmi Agani (një pjesë), Idriz Islami (një pjesë), Isak Sadiku (një pjesë), Limon Tahiri (një pjesë), Lutfi Haxhidema, Prekazit dhe Ramush Shatrolli (një pjesë) dhe Unioni E&R Invest.

Ndërprerja do të prekë gjithashtu edhe fshatrat Papaz, Pojatë, Rahovicë, Sazli, Softaj, Talinoc, Bublicë, Dramjak, Kosinë, Llojza, Lloshkobare, Saraishtë dhe Slivovë, ndërsa arsyeja kryesore e kësaj ndërprerjeje është krijimi i kushteve për kyçjen e linjës së re të tensionit të lartë.

Ndërprerje shtesë për shkak të punimeve teknike

Përveç kësaj, KEDS ka njoftuar se për shkak të zhvendosjes së një trafostacioni, në të njëjtën periudhë kohore (09:00 – 13:00), pa energji elektrike do të mbeten edhe rrugët Vëllezërit Gërvalla, Emin Duraku, Gëzim Sahiti, E Reçakut, Sali Çeku, Cen Dugolli dhe Ahmet Kaçiku.

Ferizaj

Arrestohen dy grabitësit e marketit në Ferizaj

Published

7 days ago

04 March, 2025

Redaksia

Policia në Ferizaj ka arrestuar dy persona të dyshuar për rastin e grabitjes me armë në një market në rrugën “Astrit Bytyqi” në Ferizaj, ku nën kërcënimin me armë , ata grabitën rreth 1 mijë euro.

Për këtë grabitje që ndodhi mbrëmjen e së hënës, rreth orës 18:15, policia ka identifikuar dhe arrestuar të dyshuarit I.D. 35 vjeç dhe M.Q. 27 vjeç.

Me urdhër të gjykatësit është kryer bastisja në banesën e të dyshuarve ku janë siguruar prova që lidhen me këtë rast.

Pas intervistimit, me vendim të prokurorit, të dyshuarit janë dërguar në mbajtje për 48 orë, thuhet mes tjerash në njoftimin e policisë së Ferizajt.