Gjykata Themelore në Ferizaj ia ka caktuar masën e paraburgimit prej një muaji, E.I., nën dyshimin se ka dhunuar një 15-vjeçare në Ferizaj.

Në njoftimin e gjykatës thuhet se i arrestuari E.I., dyshohet se në janar të këtij viti e mori në veturë të miturën dhe nën ndikimin e substancave narkotike e dhunoi atë në një fshat të Ferizajt.

 “Gjyqtari i procedurës paraprake i Departamentit për Krime të Rënda Habib Zeqiri, ka vlerësuar se ekziston dyshimi i bazuar, se gjatë muajit janar 2025, në kohë të pacaktuar, në një fshat të komunës së Ferizajt, përkatësisht brenda veturës së markës “Golf VI”, i pandehuri e ka keqpërdorur seksualisht të dëmtuarën e mitur e moshës 15-vjeçare, në atë mënyrë që i pandehuri fillimisht e merr të dëmtuarën e mitur në veturën e tij tek parku i qytetit dhe gjatë shëtitjes i ofron substancë narkotike në formë të cigares dhe pasi bindet se e njëjta nuk është plotësisht e vetëdijshme, e shfrytëzon rastin dhe e ndalon veturën kinse për të pushuar dhe i jep përsëri edhe një cigare me marihuanë, ashtu që përkundër kundërshtimit të të miturës, i pandehuri me veprimet e tij të vazhdueshme pa dashjen e saj, dhe me forcë dyshohet se ka kryer akt seksual, me ç` rast e dëmtuara ka pasur frikë, ankth, shqetësim emocional dhe gjendet në një gjendje të vazhdueshme të rënduar psikike për të cilën e dëmtuar ka kërkuar edhe ndihmë mjekësore”, thuhet në njoftimin e Gjykatës.

Një person është arrestuar, pasi dyshohet se në janar të vitit 2025 ka dhunuar një grua në Ferizaj.

Në raportin 24-orësh të policisë thuhet se pas intervistimit, me vendim të prokurorit i dyshuari është dërguar në mbajtje.

Policia në Ferizaj ka identifikuar dy persona të dyshuar për disa vjedhje të rënda, njëri prej të cilëve, B. T, 23 vjeç,  është ndaluar nga Njësia e Hetimeve të Prishtinës, nën dyshimin për një vepër të ngjashme në rajonin e Prishtinës.  

Nën autorizimin e prokurorit të shtetit dhe në praninë e avokatit mbrojtës, B.T është intervistuar nga Njësiti i Hetimeve të stacionit të policisë në Ferizaj dhe gjatë intervistimit dhe ballafaqimit me provat e mbledhura, ai ka pranuar kryerjen e 8 veprave penale të “Vjedhjes së rëndë” në disa lokacione të Ferizajt në rrugët  “Bajram e Gursel Sylejmani”, “Hamëz Jashari”, “12 Qershori”, “Dëshmorët e Kombit”, “Agim Matoshi” dhe në rrugën “Latif Hasani”

I dyshuari B. T ndodhet në ndalim për 48 orë, ndërsa kanë vazhduar hetimet për të dyshuarin e dytë.