Gjykata e Apelit e Kosovës ka vërtetuar aktgjykimin e Gjykatës Themelore në Ferizaj të shpallur më 26 shtator 2024, për dënimin me burgim të përjetshëm të Dardan Krivaqës i akuzuar për vrasjen e Marigona Osmanit si dhe dënimin me 15-vjet burgim për Arbër Sejdiun i akuzuar për ndihmë në vrasjen e rëndë.

“Gjykata e Apelit e Kosovës, i ka refuzuar si të pabazuara ankesat e Prokurorisë Themelore në Ferizaj, të përfaqësuesit të të dëmtuarve M.O. dhe V.O. dhe të mbrojtësve të të akuzuarve D.K. dhe A.S., duke e vërtetuar aktgjykimin e Gjykatës Themelore në Ferizaj-Departamenti për Krime të Rënda”, thuhet në njoftimin e Apelit.

Marigona Osmani, 18 vjeç, u vra më 22 gusht të vitit 2021 në banesën e Dardan Krivaqës në Ferizaj.

Policia në Ferizaj ka arrestuar një person të mitur, mashkull kosovar, pasi që i njëjti ka shtënë me armë zjarri në drejtim të dy viktimave meshkuj kosovarë.

Në raportin e policisë thuhet se ngjarja ndodhi pasditen e  së hënës, më 17.02.2025 ku gjatë ikjes, i dyshuari është kapur nga viktimat dhe është rrahur.

Në vendin e ngjarjes janë gjetur dhe konfiskuar arma e zjarrit, me një karikator me një fishek dhe katër gëzhoja.

Pas pranimit të tretmanit mjekësor, i dyshuari me vendim të prokurorit është dërguar në mbajtje.

Policia në Ferizaj ka arrestuar një person nën dyshimin se me veturën e tij qëllimshëm e kishte goditur veturën e viktimës femër kosovare.

Në raportin 24 orësh të policisë bëhet e ditur se ngjarja ndodhi më 17.02.2025 ku përveç dëmeve materiale në dy vetura, lëndime kanë pësuar viktima dhe i dyshuari. Të njëjtit kanë pranuar tretman mjekësor, ndërsa viktima është transferuar në QKUK për trajtim të mëtutjeshëm. Me vendim të prokurorit, i dyshuari është dërguar në mbajtje.