Kosovë

Trump shpallet president i 47-të i SHBA-së

Published

6 days ago

06 November, 2024

Donald Trump është zgjedhur president i SHBA-së, duke shënuar një rikthim historik pas mandatit të tij të parë në vitin 2016. Kjo fitore e bën atë presidentin e parë në historinë amerikane që mban dy mandate jo të njëpasnjëshme, si presidenti i 45-të dhe i 47-të i SHBA-së.

Kandidati republikan siguroi një mbështetje të mjaftueshme nga votuesit amerikanë për të rikthyer udhëheqjen në Shtëpinë e Bardhë.

Trump përmbylli një nga fushatat më të polarizuara dhe të ndjekura nga afër në historinë e vendit, duke thirrur amerikanët të “bëjnë Amerikën të madhërishme sërish.”

Ky mandat i dytë historik pritet të sjellë ndryshime në fusha të rëndësishme, si ekonomia, politika e jashtme dhe emigracioni. Fitorja e tij tregon një ndryshim të mundshëm të kursit të SHBA-së në arenën ndërkombëtare, ku priten qëndrime të forta ndaj partnerëve dhe rivalëve globalë.

Reagimet ndërkombëtare për fitoren e Trump janë të shumta dhe të ndryshme. Disa liderë kanë shprehur urimet e tyre për presidentin e ri, ndërsa të tjerë janë shfaqur të kujdesshëm, duke theksuar rëndësinë e bashkëpunimit të qëndrueshëm me SHBA-në në sfidat globale.

Trump, 78-vjeçar, hyn në histori si kandidati më i moshuar që ka fituar zgjedhjet presidenciale në Shtetet e Bashkuara.

Ai është i pari edhe për faktin që është përballur me disa procese gjyqësore dhe i pari ish-president që është ndëshkuar me dënim penal.

Ferizaj

Vajza 10 vjeçare e plagosur me thikë në gjendje të rëndë shëndetësore

Published

1 day ago

11 November, 2024

Redaksia

Një vajzë 10-vjeçare, e plagosur pas sulmit me thikë në Ferizaj, është në gjendje të rëndë dhe është dërguar në sallën e operimit në spitalin Emergjent të QKUK-së në Prishtinë.

Në sulmin me thikë pasditen e sotme, janë plagosur katër persona, përfshirë dy të mitura. Për këtë sulm është arrestuar një 59-vjeçar.

Drejtori i Klinikës Emergjente në QKUK, Naser Syla, ka thënë se në klinikë janë sjellë tre persona për t’u trajtuar, ndërsa dy janë në gjendje stabile e një në gjendje më të rëndë, transmeton Koha.net.

Kosovë

Aktakuzë ndaj 26 policëve të dyshuar për marrje ryshfeti

Published

4 days ago

08 November, 2024

Redaksia

Prokuroria Speciale e Kosovës ka ngritur aktakuzë ndaj 26 zyrtarëve policorë që dyshohen për marrje ryshfeti.

Aktakuza në Gjykatën Themelore në Prishtinës u ngrit kundër pandehurve A.K., B.H., B.P., B.O., B.S., D.Z., F.H., F.R., H.S., H.H., I.I., I.S., K.S., M.S., N.H., N.S., R.M., R.K., R.G., S.K., S.Q., S.P., S.H., SH.A., SH.SH., Z.P.

“Të gjithë të pandehurit akuzohen se në cilësi të zyrtarëve policorë, me detyrë në SMPK – Pika Kufitare Vërmicë, me veprimet e tyre kane kryer veprën penale: ‘Marrja e ryshfetit’ “, thuhet në njoftimin e Prokurorisë.

Kosovë

Donald Trump shpall fitoren

Published

7 days ago

06 November, 2024

Redaksia

Kandidati republikan për president i SHBA-së, Donald Trump, shpalli fitoren para mbështetësve të tij në Palm Beach, Florida, edhe pse në disa shtete ende nuk është mbyllur procesi i numërimit të votave.

Sipas projeksioneve, Trump pritet të fitojë edhe “Votën Popullore” të shumicës së përgjithshme të votuesve amerikanë.

Në fjalimin e tij, Trump premtoi se të luftojë për familjet amerikane dhe të ardhmen e tyre dhe se nuk do të pushojë derisa ta kthejë një Amerikë të fortë, të sigurt dhe të begatë. Ai gjithashtu premtoi se do t’i përfundojë luftërat në botë.

Liderë prej gjithë botës, përfshirë shefen e BE-së, shefin e NATO-s, presidentin e Ukrainës, dhe të vendeve tjera, e kanë uruar Trumpin për fitore.

Edhe presidentja e Kosovës, Vjosa Osmani, ka uruar Donald Trump për fitore në garën presidenciale.

“Në emër të popullit të Republikës së Kosovës, i shpreh urimet tona më të përzemërta Donald Trumpit dhe JD Vance, për zgjedhjen e tyre si president dhe zëvendëspresident të Shteteve të Bashkuara”, shkroi Osmani.

Ajo theksoi se SHBA-ja mbetet partner dhe aleat “i palëkundur dhe i pazëvendësueshëm” për Kosovën.

“Pres me padurim të punoj me administratën e re për të thelluar më tej lidhjen tonë unike dhe aleancën strategjike”, shkroi Osmani në X.