Kosovë

Auditorja e Përgjithshme thotë se mbi 900 mijë euro u dhanë për punonjësit serb pa u ditë se a po dalin në punë

Published

2 years ago

27 October, 2022

Auditorja e përgjithshme e Zyrës Kombëtare të Auditimit, Vlora Spanca ka përmendur edhe para deputetëve pagesat për serbët, pa shkuar fare në punë.

Spanca në seancë plenare të Kuvendit të Kosovës, derisa ka paraqitur konkluzionet e Raportit të Auditorit të Përgjithshëm për vitin 2021, deklaroi se janë kryer pagesa mbi 900 mijë euro për punonjësit e komunitetit serb.

“Kryerja e pagesave në vlerë prej mbi 900 mijë euro për 199 punonjës të komunitetit serb të angazhuar në bazë të marrëveshjes së Brukselit, pa u evidentuar vijueshmëria e tyre në punë. Në këtë raport për vitin 2021, po ashtu kemi dhënë konkluzione të pajtueshmërisë të përmbledhur nga auditimi i 90 organizatave buxhetore”, tha Spanca.

Para deputetëve, ajo ka thënë se konkluzionet janë se organizatat buxhetore në fushën e raportimit financiar vazhdojnë të kenë mangësi të theksuara në prezantimin e informatave financiare.

“Për raportin financiar të Qeverisë për Buxhetin e Republikës kemi dhënë opinion i modifikuar, përkatësisht opinion i klasifikuar. Shpenzimet prej 13 milionë euro janë klasifikuar në kategorinë joadekuate, prej të cilave janë keqklasifikuar 9.3 milionë euro, pastaj për shkak të vendimeve gjyqësore janë afër 2 milionë euro, ndërsa si të ndikuara nga vet organizatat buxhetore vlera e keqklasifikimeve ishte rreth 2 milionë euro”, theksoi ajo.

Spanca shtoi se janë nxjerrë 132 raporte individuale të organizatave buxhetore, ndërmarrjeve publike, projekteve dhe atyre të performancës.

“Ky raport është rezultat i auditimit të raportit financiar të Qeverisë për Buxhetin e Kosovës për vitin 2021 dhe 132 raporteve individuale të organizatave buxhetore, ndërmarrjeve publike, projekteve dhe atyre të performancës. Konkluzioni i përgjithshëm është se organizatat buxhetore në fushën e raportimit financiar vazhdojnë të kenë mangësi të theksuara në prezantimin e informatave financiare të tyre, po ashtu edhe gjetjet në fushën e pajtueshmërisë janë mjaftë të përhapura dhe domëthënëse që kërkojnë masa rigoroze për përmirësim”, shtoi Spanca.

Sipas kryeauditorës, në auditimin e 90 organizatave buxhetore janë dhënë 46 opinione të pamodifikuara për pasqyrat financiare.

“Janë nxjerrë 90 raporte të auditimit financiar dhe pajtueshmërisë të organizatave buxhetore, 12 raporte të auditimit të ndërmarrjeve publike, 13 raporte të auditimit të projekteve të donatorëve, 3 raporte të auditimit të pajtueshmërisë, të cilat dy raporte janë informata të klasifikuara dhe 14 raporte të auditimit të performancës. Në auditimin e 90 organizatave buxhetore kemi dhënë 46 opinione të pamodifikuara për pasqyrat financiare dhe 44 definicione të modifikuara. Përderisa për 12 organizatat buxhetore kemi dhënë informata të modifikuara”, përfundoi ajo.

Me 66 vota për janë miratuar rekomandimet e Komisionit për Mbikëqyrjen e Financave Publike lidhur me Raportin e Auditimit të Përgjithshëm për Raportin vjetor financiar të Buxhetit të Republikës së Kosovës për vitin 2021.

Po ashtu, me 63 vota për është miratuar edhe Raporti Vjetor Financiar i Buxhetit të Republikës së Kosovës për vitin 2021. /Telegrafi

Kosovë

Arrestohen 12 aktivistë në protestën kundër shtrenjtimit të rrymës

Published

2 days ago

02 April, 2025

Redaksia

Policia e Kosovës ka arrestuar 12 aktivistë të grupit qytetarë “Asnji cent më shumë” të cilët mëngjesin e sotëm bllokuan dyert e Zyrës së Rregullatorit të Energjisë, në shenjë proteste kundër shtrenjtimit të energjisë elektrike.

“ZRRE-ja është në bllokadë. Bllokimi do të vazhdojë deri në zotimin publik nga ZRRE se nuk do ta miratojë rritjen e çmimit të rrymës për 15%. Vetëm atëherë mund t’i kthehen punës”, thuhet në lajmërimin e kësaj iniciative në Facebook.

Përkundër kundërshtimeve të shumta, Zyra e Rregullatorit të Energjisë ka paralajmëruar mbajtjen e mbledhjes për vendimin mbi propozimin e shtrenjtimit të rrymës për 15%.

Në mesin e mbi 600 komenteve të dërguara në ZRRE, është theksuar se një shtrenjtim i tillë do të sillte barrë të madhe për qytetarët dhe ky veprim do të mund të shkaktonte valë të re inflacioni në vend, që njëkohësisht do të ndikonte drejtpërdrejt në rënien e fuqisë blerëse të qytetarëve.

Edhe në komentet e dërguara nga Zyra e Presidentes së Kosovës, është propozuar largimi i TVSH-së prej 8 % nga faturat e energjisë elektrike, mirëmenaxhimi i shpenzimeve dhe i humbjeve, subvencionimi i energjisë, identifikimi i masave shtesë për obligimin e pagesës së faturave mujore në veri, dizajnimi dhe prezantimi i programit të shtyrjes së pagesave.

Kosovë

Seanca konstituive e Kuvendit të Kosovës më 15 prill

Published

3 days ago

01 April, 2025

Redaksia

Presidentja Vjosa Osmani ka caktuar mbajtjen e seancës konstituive të legjislaturës së re të Kuvendit më 15 prill 2025.

“Presidentja e Republikës së Kosovës, Vjosa Osmani, pas certifikimit të rezultatit përfundimtar të zgjedhjeve për Kuvendin e Republikës së Kosovës, të mbajtura më 9 shkurt 2025 dhe në përputhje me autorizimet kushtetuese dhe afatet ligjore, ka thirrur mbledhjen e parë të Legjislaturës së nëntë të Kuvendit të Kosovës për datën 15 prill 2025”, ka njoftuar Presidenca.

Arbëri

Në Tiranë arrestohen dy shtetas të Kosovës, dyshohen për trafikim të armëve

Published

3 days ago

01 April, 2025

Redaksia

Policia e Shqipërisë ka arrestuar në Tiranë dy shtetas të Kosovës, nën dyshimin për trafikim të armëve me vlerë rreth10 mijë euro.

Në njoftimin e policisë shqiptare thuhet se të dyshuarit, A. P., 23 vjeç dhe K. P., 53 vjeç, të dy banues në Kosovë, janë arrestuar në autostradën “Lezhë – Fushë Krujë”, nga njësiti për Hetimin e Trafiqeve të Paligjshme.

“Gjatë operacionit, shërbimet e Policisë kanë ndaluar në autostradën “Lezhë – Fushë Krujë”, automjetin me të cilin qarkullonin shtetasit A. P. dhe K. P., në të cilin, gjatë kontrollit, kanë gjetur dhe sekuestruar 2 armë zjarri pistoleta dhe municion luftarak. Nga hetimet dyshohet se këta shtetas i kanë trafikuar pistoletat nga Kosova, me qëllim shitjen në Tiranë.

Vijojnë hetimet në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë derisa materialet procedurale i kaluan Prokurorisë, për veprime të mëtejshme,” thuhet mes tjerash në njoftim.