Kosovë

Pagat e grevistëve – Hekuran Murati të enjten për interpelancë në Kuvend

Published

2 years ago

03 October, 2022

Kryesia e Kuvendit të Kosovës ka vendosur që në seancën e së enjtes të thirret për interpelancë ministri i Financave, Hekuran Murati.

Kryetar i Grupit Parlamentar të Aleancës për Ardhmërinë e Kosovës (AAK), Besnik Tahiri në një konferencë për medie tha se ftesa e Muratit lidhet me vendimin e tij, siç e ka quajtur arbitrar, për ndalimin e pagave dhe presionin mbi pushtetin lokal.

“Pika e parë në këtë seancë ka të bëjë me interpelancën që e kemi kërkuar për ministrin e Financave, Hekuran Murati dhe që lidhet me vendimin e tij arbitrar për ndalimin e pagave, për presionin që e ka bërë në pushtetin lokal gjatë grevës dhe ndërhyrjen në autonominë e komunave”, tha Tahiri, përcjell Telegrafi.

“Për ne, roli i qeverisë është të ndihmojë në situata të vështira dhe jo me vendime arbitrare të pengoj punën e organizatave buxhetore, në këtë rast të komunave, e të bëjë presion te administrata në forma të ndryshme”, shtoi ai.

Sipas tij, Projektligji për Zyrtaret Publikë i miratuar nga Qeveria e Kosovës është ndërhyrje flagrante në shërbyesit civil.

“Ne si grup parlamentar do të ngrisim çështjen në Kuvend për Ligjin e miratuar në Qeveri për Zyrtarët Publikë. Kemi të bëjmë me një ndërhyrje flagrante që 20 vjet, drejtpërdrejt në stafin dhe shërbimin civil përmes kontratave të tyre dhe cenimit të afateve që bie ndesh me parimet evropiane dhe punën që kemi bërë deri më tani”, përfundoi Tahiri.

Kosovë

SHBA jep dritën e gjelbër për helikopterët e FSK-së

Published

5 hours ago

15 January, 2025

Redaksia

Kosova do të përfitojë mbështetje nga Shtetet e Bashkuara të Amerikës për të ndërtuar kapacitetet në fushën e helikopterëve, radarëve dhe mbrojtjes ajrore, duke e ngritur vendin në një nivel të ri të sigurisë strategjike.

Ministri i Mbrojtjes, Ejup Maqedonci, gjatë vizitës zyrtare në SHBA, konfirmoi përkushtimin e aleatit amerikan për forcimin e sigurisë dhe sovranitetit të Kosovës.

“Mbështetja e SHBA-së është thelbësore për paqen, stabilitetin dhe zhvillimin e Kosovës si vend me orientim euroatlantik. Falënderojmë aleatin tonë të përhershëm për ndihmën dhe besimin e vazhdueshëm,” tha ministri Maqedonci.

Ai shtoi se kjo mbështetje konkrete rritë aftësitë operacionale të Forcës së Sigurisë së Kosovës dhe e forcon pozicionin e Kosovës si partner i besueshëm në rajon dhe më gjerë.

Kosovë

Pritja në Merdar rreth 4 orë kurse tek Dheu i Bardhë pritet rreth 1 orë

Published

1 week ago

06 January, 2025

Redaksia

Pritjet e veturave për të dalë nga Kosova në pikën kufitare në Merdar zgjasin deri në 4 orë .

Në informacionin e përditësuar të Qendrës Kombëtare për Menaxhim Kufitar, bëhet e ditur se kolona e automjeteve në këtë pikë është e gjatë rreth 2 kilometra.

Sipas këtyre të dhënave, në pikën kufitare të Dheu i Bardhë pritjet për të dalë nga Kosova po zgjasin rreth një orë, ndërkohë që në pikat e tjera nuk ka pritje as në hyrje e as në dalje.

Kosovë

Mbi 90 mijë të regjistruar për votim nga mërgata

Published

3 weeks ago

27 December, 2024

Redaksia

Komisioni Qendror i Zgjedhjeve ka bërë të ditur se në mesnatë ka përfunduar procesi i regjistrimit të votuesve jashtë Kosovës.

“Sipas të dhënave preliminare, numri i shtetasve të Kosovës që janë regjistruar si votues jashtë Kosovës në periudhën 29 gusht – 26 dhjetor 2024, deri në orën 23:59 është 90.860, ndërkaq numri i aplikimeve që janë në shqyrtim është 18.244”, ka njoftuar zëdhënësi i KQZ-së, Valmir Elezi.

Ai tha se shqyrtimi i aplikimeve të pranuara do të vazhdojë edhe gjatë 27 dhjetorit dhe më pas KQZ-ja do të ketë një raport përfundimtar për numrin e qytetarëve të Kosovës të regjistruar për të votuar nga jashtë vendit.

Në zgjedhjet e rregullta parlamentare më 9 shkurt 2025, shtetasit e Kosovës jashtë vendit do të mund të votojnë përmes 22 kutive postare në shtete të ndryshme por edhe në ambasada dhe konsullata të Kosovës, pasi votimi fizik do të organizohet në 35 përfaqësi diplomatike dhe konsullore në 22 shtete.

Në regjistrimin e fundit të popullsisë për herë të parë janë përfshirë edhe shtetasit e Kosovës që jetojnë në diasporë dhe sipas Agjencisë së Statistikave të Kosovës, ata janë rreth 550 mijë persona.