Connect with us

Ferizaj

KEDS-i dëmton gypin që furnizon fabrikën e ujit në Pleshinë, “Bifurkacioni”: Prodhimi nuk është i plotë

Published

on

KRU Bifurkacioni njofton se gjatë punimeve, KEDS ka dëmtuar një gyp të ujësjellsit në fshatin Manastirc, gyp i cili furnizonte fabrikën e ujit në Pleshinë nga lumi i vogël në Nerodime.

“Bifurkacioni” thotë se kapaciteti i prodhimit të ujit tani nuk është i plotë, përcjell TV TEMA.

Kryeshefi ekzekutiv i KRU “Bifurkacioni” Jeton Shabani për TV TEMA thotë se nuk priten reduktime të ujit për këtë çështje.

Gypi është dëmtuar, reduktime nuk pritet të ketë sepse sot rregullohet ai gyp dhe pastaj kthehemi në normalitet“, deklaroi Shabani.

Njoftimi i plotë i “Bifurkacionit”:

Njoftohen konsumatorët e KRU Bifurkacioni, se KEDS gjatë punimeve ka dëmtuar gypin e ujesjellësit të profilit Ø 250 në fshatin Manastirc, gyp ky i cili furnizon fabrikën e trajtimit të ujit në Pleshinë nga lumi i vogël në Nerodime.

Si pasojë e këtij defekti është pamundësuar furnizimi me ujë i fabrikës me ç’rast kapaciteti i prodhimit nuk është i plotë.

Ekipet tona janë në teren dhe  po punojnë intenzivisht në sanimin e defektit me qëllim të kthimit në normalitet furnizimin me ujë të pijes në qytet.

Faleminderit për mirëkuptimin tuaj.

KRU “Bifurkacioni” SH.A

Datë: 10.08.2022

Ferizaj

Të shtunën disa fshatra të regjionit të Ferizajt do të mbeten pa rrymë

Published

on

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.

Continue Reading

Ferizaj

Arrestohen edhe dy persona për vjedhjen në Dremjak të Ferizajt

Published

on

Policia ka arrestuar edhe dy persona të tjerë të moshës së mitur të cilët ishin në kërkim për vjedhje të kryer në fshatin Dremjak, komuna e Ferizajt. Kështu numri i të arrestuarve për këtë vjedhje arrin në 5, pasi më 31 mars ishin arrestuar në flagrancë 3 të dyshuar.

Në njoftimin e policisë bëhet e ditur se më 1 prill, me urdhër të prokurorit të shtetit dhe me pëlqimin e familjarëve, njësia e hetimeve të stacionit policor në Ferizaj, ka kryer bastisje në fshatin Talinoc i Muhaxherëve.

Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj.

Si rezultat i këtyre bastisjeve, janë arrestuar dy të dyshuarit e fundit: E.H., 16 vjeç dhe V.L., poashtu 16 vjeç derisa mԯ herët janë arrestuar edhe A.H., 24 vjeç, A.H., 20 vjeç dhe E.S., 16 vjeç.

Me vendim të prokurorit të shtetit për të mitur, të dyshuarit janë ndaluar për 24 orë, thuhet në njoftimin e policisë.

Continue Reading

Ferizaj

Prokuroria në Ferizaj do të mbajë konferencë për media për rastin e vrasjes të Muhamed Likës

Published

on

Prokuroria Themelore në Ferizaj ka njoftuar se do të mbajë sot konferencë për media për rastin e vrasjes të rreshterit të Policisë së Kosovës në Kaçanik, Muhamed Lika.

Konferenca do të mbahet nga ora 14:30, në objektin e Prokurorisë Themelore në Ferizaj.

“Pjesëmarrës në këtë konferencë do të jenë Kryeprokurori i Prokurorisë Themelore në Ferizaj, z.Burim Çerkini, prokurori i çështjes z.Ismet Rrahmani, si dhe përfaqësues nga Policia e Kosovës”, thuhet në njoftimin e prokurorisë.

Rreshteri i Policisë së Kosovës, Muhamed Lika, është vrarë në orët e vona të 1 prillit, në hyrje të banesës së tij në Kaçanik.

Ceremonia e varrimit e të ndjerit do të mbahet pas orës 17:00 në Varrezat e Dëshmorëve në Kaçanik, njoftuan familjarët përmes rrjeteve sociale.

Continue Reading

Trending