Connect with us

Ferizaj

Mbeturinat përfshihen nga flakët në rrugën Gëzim Sahiti në Ferizaj

Published

on

Një grumbull mbeturinash është djegur të martën në rrugën Gëzim Sahiti në Ferizaj.

Në pamjet që disa qytetarë i kanë dërguar TV TEMA-s shihet se aty u desh të intervenonin edhe zjarrfikësit në mënyrë që të ndalet zjarri.

Në fotografitë dhe videot që i kanë dërguar qytetarët vërehet zjarr i madh që ka kapluar këtë grumbull të bërllokut.

Sipas qytetarëve nuk dihet se si ka filluar zjarri.

TV TEMA kontaktoi me Zjarrfiksat e Ferizajt për të kërkuar një raport rreth rastit nga ta por të njejtit thanë se raporti do të shkruhet nesër pasi që tani është ndërrimi i pasdites dhe nuk ka kush ta shkruaj raportin.

Foto dhe Video:

https://www.youtube.com/shorts/lxnatwfv7s4

Ferizaj

Arrestohen edhe dy persona për vjedhjen në Dremjak të Ferizajt

Published

on

Policia ka arrestuar edhe dy persona të tjerë të moshës së mitur të cilët ishin në kërkim për vjedhje të kryer në fshatin Dremjak, komuna e Ferizajt. Kështu numri i të arrestuarve për këtë vjedhje arrin në 5, pasi më 31 mars ishin arrestuar në flagrancë 3 të dyshuar.

Në njoftimin e policisë bëhet e ditur se më 1 prill, me urdhër të prokurorit të shtetit dhe me pëlqimin e familjarëve, njësia e hetimeve të stacionit policor në Ferizaj, ka kryer bastisje në fshatin Talinoc i Muhaxherëve.

Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj.

Si rezultat i këtyre bastisjeve, janë arrestuar dy të dyshuarit e fundit: E.H., 16 vjeç dhe V.L., poashtu 16 vjeç derisa mԯ herët janë arrestuar edhe A.H., 24 vjeç, A.H., 20 vjeç dhe E.S., 16 vjeç.

Me vendim të prokurorit të shtetit për të mitur, të dyshuarit janë ndaluar për 24 orë, thuhet në njoftimin e policisë.

Continue Reading

Ferizaj

Prokuroria në Ferizaj do të mbajë konferencë për media për rastin e vrasjes të Muhamed Likës

Published

on

Prokuroria Themelore në Ferizaj ka njoftuar se do të mbajë sot konferencë për media për rastin e vrasjes të rreshterit të Policisë së Kosovës në Kaçanik, Muhamed Lika.

Konferenca do të mbahet nga ora 14:30, në objektin e Prokurorisë Themelore në Ferizaj.

“Pjesëmarrës në këtë konferencë do të jenë Kryeprokurori i Prokurorisë Themelore në Ferizaj, z.Burim Çerkini, prokurori i çështjes z.Ismet Rrahmani, si dhe përfaqësues nga Policia e Kosovës”, thuhet në njoftimin e prokurorisë.

Rreshteri i Policisë së Kosovës, Muhamed Lika, është vrarë në orët e vona të 1 prillit, në hyrje të banesës së tij në Kaçanik.

Ceremonia e varrimit e të ndjerit do të mbahet pas orës 17:00 në Varrezat e Dëshmorëve në Kaçanik, njoftuan familjarët përmes rrjeteve sociale.

Continue Reading

Ferizaj

Nga reshjet e shiut sërish përmbytet segmenti i magjistrales Ferizaj – Prishtinë afër fshatit Muhoc

Published

on

Si pasojë e reshjeve të shiut, në rrugën nacionale Ferizaj – Prishtinë, në afërsi të fshatit Muhoc, është grumbulluar një sasi e konsiderueshme uji, duke shkaktuar vështirësi në qarkullim. Shiriti në drejtim të Prishtinës është pothuajse i bllokuar, ndërsa automjetet po shfrytëzojnë pjesën e trotuarit për të vazhduar lëvizjen.

Policia bëri të ditur se patrulla e trafikut është e pranishme në këtë segment dhe po asiston në menaxhimin e situatës. Ndërkohë për gjendjen e krijuar janë njoftuar kompania përgjegjëse për mirëmbajtjen e rrugëve dhe zyrtarët nga ministria përkatëse.

Continue Reading

Trending