Connect with us

Botë

Ukraina e shkatërron “Moskvën” – video

Published

on

Një nga luftanijet më të rëndësishme të marinës ruse “Moskva” është dëmtuar rëndë në Detin e Zi, pasi u sulmua me raketa ukrainase.
Komanda Operacionale e krahut jugor të Ukrainës pohoi sot se “Moskva” kishte filluar të fundosej pasi u godit me raketa kundëranijesore të tipit Neptun.
“Në zonën operacionale të Detit të Zi, raketat kundëranijesore Neptun goditën kryqëzorin “Moskva”, luftanijen kryesore të flotës ruse në Detit e Zi- e cila pësoi dëme të konsiderueshme,” thuhet në deklaratë.
Sipas autoriteteve ushtarake Ukrainase, njësitet tjera flotës Ruse u përpoqën të ndihmonin, por stuhia e madhe dhe një shpërthim i fuqishëm municionesh e përmbysi kryqëzorin dhe ai filloi të fundosej.
Ministria ruse e mbrojtjes deklaroi se “Moskva” “mbetet në det” dhe se po merren masa për ta tërhequr atë në port.
Luftanija “Moskva” është e gjatë 186 metra, peshon 12490 tonelata, ka 500 marinarë, dhe mban 16 raketa kundëranijesore P-500, 64 raketa kundërajrore SAM-300, 10 tuba të torpedove, sisteme radarike të navigimit, sisteme të pengimit elektronike, si dhe magazina të mëdha armatimi.
Në videon e mëposhtme të siguruar nga njësitet v%zhguese të forcave të armatosura të Ukrainës, shihet zjarri i madh i cili ka kapluar këtë bishë ushtarake detare të Rusisë në Detin e Zi, pas goditjes me raketa Neptun.

Continue Reading
Click to comment

Leave a Reply

Your email address will not be published. Required fields are marked *

Botë

Rrahje, përplasje dhe tym në Kuvendin e Serbisë

Published

on

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Continue Reading

Botë

Holandezi Rutte merr detyrën e Sekretarit të përgjithshëm të NATO-s

Published

on

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s.  Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.

Continue Reading

Botë

Përleshje fizike në parlamentin italian

Published

on

Një përleshje fizike mes deputetëve ka ndodhur më 13.06.2024 në parlamentin e Italisë.

Siç raporton Zëri i Amerikës, Leonardo Donno, deputet i Lëvizjes “5 Yje”, po përpiqej t’i vinte flamurin italian ministrit për Çështjet Rajonale, Roberto Calderoli gjatë një diskutimi mbi projekt-ligjin e diskutueshëm të qeverisë në lidhje me autonomitë lokale.

Incidenti mes këtyre dyve u shndërrua në përleshje masive mes deputetëve të grupeve të ndryshme parlamentare derisa bëhet e ditur se njëri nga  pjesëmarrësit në përleshje është larguar nga parlamenti në një karrige pacientësh.

Continue Reading

Trending