Ferizaj
10 ditë pa rrymë – protestuan banorët e rrugës “Brahim Ademi”
Një grup i banoreve të rrugës “Brahim Ademi” të Ferizajt të cilët për 10 ditë radhazi u përballën me mungesë të energjisë elektrike, u mblodhën për të protestuar tek nën-stacioni i KEDS-it në rrugën Naim Beka.
Në emër të banorëve u prononcua Isa Jashari, i cili tha se janë 40 familje të cilat për shkak të mungesës së energjisë po përballen me të ftohtin dhe disa prej tyre janë edhe në gjendje të rënduar shëndetësore.
“Prej të premtes jemi pa energji elektrike as një orë nuk ka energji elektrike, as një orë fare prej të premtes deri sot, në mëngjes kemi shkuar tek drejtoria dhe na than se është duke ardhë trafa , vetëm se ka mbërri tek vendi , nuk ka trafo, fëmija e vogël , njerëz të sëmurë dhe raste të vdekjes të gjitha në terr, askush nuk del me na dhanë një përgjigje. Janë 40 shtëpi përafërsisht por nga e premtja nuk kemi rrymë, po ne nuk largohemi nga këtu pa e marrë ne përgjigjen ne nuk largohemi nga këtu.”
Isa Jashari – Banor
Gjersa po zhvillohej kjo protestë, në vendngjarje erdhën disa njësite të policisë të cilët kërkuan zhvendosjen e protestuesve nga oborri i kësaj njësie të KEDS-it.
Disa orë pas protestës, banorët e kësaj rruge njoftuan se furnizimi me energji elektrike është rikthyer pjesërisht në këtë zonë, pas intervenimit të ekipeve kujdestare të KEDS-it.
Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.
Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.
Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.
-
Ferizaj7 days ago
Të shtunën disa fshatra të regjionit të Ferizajt do të mbeten pa rrymë
-
Ferizaj1 week agoArrestohen edhe dy persona për vjedhjen në Dremjak të Ferizajt
-
Ferizaj1 week agoProkuroria në Ferizaj do të mbajë konferencë për media për rastin e vrasjes të Muhamed Likës
-
Ferizaj2 hours agoËshtë ndarë nga jeta mjekja e mirënjohur ferizajase Dr. Rushe Ramadani Rushiti
-
Kosovë1 week agoArrestohen 12 aktivistë në protestën kundër shtrenjtimit të rrymës
-
Kosovë2 days agoRëndohet situata energjetike pas rënies së dy blloqeve të KEK-ut
-
Kosovë1 week agoSeanca konstituive e Kuvendit të Kosovës më 15 prill
-
Kosovë4 days agoKurti i propozon Abdixhikut takim për të mërkurën ose të enjten
-
Kosovë2 hours agoShtrenjtohet rryma, tarifat e reja nga 1 maji