Connect with us

Ferizaj

“Desanti” i alpinistëve mbi Komunën e Ferizajt

Published

on

Me rastin e ardhjes së mërgimtarëve për festat e fundvitit,  20 alpinistë të klubit alpin “Prishtina” e zhvilluan një aktivitet të pazakontë në Ferizaj, duke u lëshuar me litar nga objekti i Kuvendit Komunal.

“Ky lloj aplinizimi urban është për herë të parë në Ferizaj dhe kjo është bërë me ndihmën e alpinistëve të Ferizajt, në këtë rast me Besnik Reka por edhe me ndihmën e kryetarit të komunës. Ideja themelore është me ofruar pak atraksion, me promovu sportin dhe jetën e shëndetshme dhe me i zbavitë qytetarët e Ferizajt dhe mërgimtarët të cilët kanë ardhë për Krishtlindje këtu. Sot janë 20 pjesëmarrës ne ju kemi bërë thirrje  edhe sektorit të Prishtinës që mos me ardhë shumë pasi nuk ka vend dhe është dritarja e pa përshtatshme dhe jemi mundu vetëm disa me qenë këtu domethënë gjithsej jemi 20 bashkë me të Ferizajt ku shumica janë alpinistë të Ferizajt.”

Nazmi Hasanramaj – Kryetar i klubit alpin “Prishtina”
Nazmi Hasanramaj – Kryetar i klubit alpin “Prishtina”

“Sot alpinistët e Ferizajt mbajnë një aktivitet të tillë për herë të parë që sot ka filluar, besoj që nuk do të ndalemi edhe në të ardhmen të organizojmë aktivitet të tilla. Besoj që në të ardhmen siç na ka thënë kryetari i komunës Agim Aliu që të na bëjë një muri të alpinistëve që të kemi sa më shumë aktivitete dhe të jemi sa më profesionist ne që qytetarët të e shohin punën tonë me kësi lloje aktivitetet të ndryshme.”

Besnik Reka – Alpinist
Besnik Reka – Alpinist

Pjesëtarët e klubit Alpin “Prishtina” shpresojnë që aktivitetet e ngjashme sportive në Ferzajt të shndërrohen në ngjarje tradicionale të fundvitit.

Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohen edhe dy persona për vjedhjen në Dremjak të Ferizajt

Published

on

Policia ka arrestuar edhe dy persona të tjerë të moshës së mitur të cilët ishin në kërkim për vjedhje të kryer në fshatin Dremjak, komuna e Ferizajt. Kështu numri i të arrestuarve për këtë vjedhje arrin në 5, pasi më 31 mars ishin arrestuar në flagrancë 3 të dyshuar.

Në njoftimin e policisë bëhet e ditur se më 1 prill, me urdhër të prokurorit të shtetit dhe me pëlqimin e familjarëve, njësia e hetimeve të stacionit policor në Ferizaj, ka kryer bastisje në fshatin Talinoc i Muhaxherëve.

Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj.

Si rezultat i këtyre bastisjeve, janë arrestuar dy të dyshuarit e fundit: E.H., 16 vjeç dhe V.L., poashtu 16 vjeç derisa mԯ herët janë arrestuar edhe A.H., 24 vjeç, A.H., 20 vjeç dhe E.S., 16 vjeç.

Me vendim të prokurorit të shtetit për të mitur, të dyshuarit janë ndaluar për 24 orë, thuhet në njoftimin e policisë.

Continue Reading

Ferizaj

Prokuroria në Ferizaj do të mbajë konferencë për media për rastin e vrasjes të Muhamed Likës

Published

on

Prokuroria Themelore në Ferizaj ka njoftuar se do të mbajë sot konferencë për media për rastin e vrasjes të rreshterit të Policisë së Kosovës në Kaçanik, Muhamed Lika.

Konferenca do të mbahet nga ora 14:30, në objektin e Prokurorisë Themelore në Ferizaj.

“Pjesëmarrës në këtë konferencë do të jenë Kryeprokurori i Prokurorisë Themelore në Ferizaj, z.Burim Çerkini, prokurori i çështjes z.Ismet Rrahmani, si dhe përfaqësues nga Policia e Kosovës”, thuhet në njoftimin e prokurorisë.

Rreshteri i Policisë së Kosovës, Muhamed Lika, është vrarë në orët e vona të 1 prillit, në hyrje të banesës së tij në Kaçanik.

Ceremonia e varrimit e të ndjerit do të mbahet pas orës 17:00 në Varrezat e Dëshmorëve në Kaçanik, njoftuan familjarët përmes rrjeteve sociale.

Continue Reading

Ferizaj

Nga reshjet e shiut sërish përmbytet segmenti i magjistrales Ferizaj – Prishtinë afër fshatit Muhoc

Published

on

Si pasojë e reshjeve të shiut, në rrugën nacionale Ferizaj – Prishtinë, në afërsi të fshatit Muhoc, është grumbulluar një sasi e konsiderueshme uji, duke shkaktuar vështirësi në qarkullim. Shiriti në drejtim të Prishtinës është pothuajse i bllokuar, ndërsa automjetet po shfrytëzojnë pjesën e trotuarit për të vazhduar lëvizjen.

Policia bëri të ditur se patrulla e trafikut është e pranishme në këtë segment dhe po asiston në menaxhimin e situatës. Ndërkohë për gjendjen e krijuar janë njoftuar kompania përgjegjëse për mirëmbajtjen e rrugëve dhe zyrtarët nga ministria përkatëse.

Continue Reading

Trending