Ferizaj
20 hektarë me ndërtime të larta, të ndërtuara keq në Ferizaj
“Kodi i ndërtimit dhe zhvillimi urban” në Ferizaj, ishte tema e diskutimit në tryezën e organizuar nga organizata joqeveritare KOSID.
Zyrtarë, profesionistë të urbanizmit si dhe qytetarë u munduan ta gjejnë fillin e ngatërrimit urban në Ferizaj.
Fajin për ndërtimet e shumta të larta, Drejtori i Urbanizmit në Ferizaj, Lulzim Aliu, ia la pikërisht Planit Zhvillimor Komunal, madje ai tregoi me përqindje se sa hektarë në Ferizaj, janë me ndërtime të këqija të larta.
“Në Ferizaj janë paraparë diku 1500 hektarë për ndërtim të lartë, numri i banorëve aty do të ishte 800 mijë banorë. E nga këto hektarë ndërtim i keq, nuk e mohoj, është 10-15, maksimumi 20 hektarë i ndërtuar keq”.
Lulzim Aliu – Drejtor i Urbanizmit
Edhe qytetarët pjesëmarrës në këtë diskutim ngritën çështje e shqetësime sa i përket Zhvillimit Urban të Ferizajt, duke shprehur bindjen se gjeneratat e ardhshme do të na gjykojnë për kaosin e krijuar.
“Në vitin 2016 është miratuar këtu rritje e koeficientit të ndërtimit prej 100%, pra prej ndërtesave 6-7 katëshe janë bërë 14-15 katëshe, këtu kanë përfitu ndërtuesit dhe pronarët e tokave. Këtu në vitin 2030 ka me u ba një geto dhe ka me pasë konflikte sepse nuk ka mundësi absorbimi e gjeneratat e ardhshme kanë me na mallku se çka kemi bërë”.
Adnan Hashani – Banor i Ferizajt
“Qytetarët të gjithë nuk e dinë se çka janë Plani Zhvillimor Komunal, Hartat Zonale dhe Planet Rregullative. Për me e marrë një analogji: Plani Zhvillimor është ndërtesa e madhe, hartat zonale janë dhomat dhe plani rregullativ janë pikturat në mure. E pa u bë ndërtesa, pikturat janë vendosë, ende muret e jashtme nuk janë vendosë, por pikturat po, e kur të vendosen pikturat është problem me i nda dhomat sepse duhet me iu përshtatë pikturave që janë vendosë”
Visar Hoti – Banor i Ferizajt
Panelisti tjetër në këtë diskutim, arkitekti Arsim Murseli tregoi për rolin e hartave zonale në Planin Zhvillimor lokal.
“Hartat Zonale janë vetëm harta me ngjyrë që tregon se çfarë toke është ajo. Pastaj është punë e profesionistëve duke i marrë parasysh ujin, rrymën, kushtet e izolimit me i formu objektet përkatëse të cilat duhen”.
Arsim Murseli – Arkitekt
Nga KOSID treguan se diskutime të tilla po mbahen në shtatë komunat më të mëdha të Kosovës, ku më pas do të dilet me raport i cili do t’i drejtohet Qeverisë së Kosovës në lidhje me problemet e Zhvillimit Urban.
Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.
Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.
Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.
-
Ferizaj1 week agoËshtë ndarë nga jeta mjekja e mirënjohur ferizajase Dr. Rushe Ramadani Rushiti
-
Kosovë1 week agoShtrenjtohet rryma, tarifat e reja nga 1 maji
-
Kosovë1 week agoRëndohet situata energjetike pas rënies së dy blloqeve të KEK-ut
-
Kosovë6 days agoHapet vendkalimi i përbashkët kufitar mes Kosovës dhe Maqedonisë së Veriut
-
Kosovë6 days agoSudani e njeh Republikën e Kosovës
-
Kosovë2 days agoOsmani i përgjigjet Deharit: Obligoheni të vazhdoni seancën sipas rregullores së Kuvendit
-
Kosovë2 days agoNga 1 maji rryma shtrenjtohet për 16.1 %
-
Kosovë3 days agoMosmiratimi i Raportit për Verifikimin e Mandateve dështon konstituimin e Kuvendit
-
Kosovë2 days agoPresidenca konfirmon pranimin e letrës nga kryesuesi i seancës konstituive
-
Kosovë2 days agoTre të akuzuarit për sulmin terrorist në Banjskë nuk pranojnë fajësinë