Ferizaj

Droni i policisë i lë 20 ferizajas pa patentë shoferi

Published

4 years ago

17 June, 2021

Në kuadër të fushatës për parandalimin e aksidenteve në trafik, ditë më parë, Policia e Kosovës ka filluar kontrollimin e komunikacionit nga ajri.
Per efektet e vëzhgimit me dron, zëdhënësi i Policisë në Ferizaj, Kanun Veseli tha se ato po vërehen menjëherë.

“Drejtoria Rajonale e Policisë në Ferizaj, që nga e hëna ka filluar me dronin të bëjë kontrollimin e komunikacionit nga kundërvajtësit e ndryshëm. Efektet janë që nga fillimi sepse u shtua kujdesi i ngasësve në komunikacion ngaqë ka qenë edhe publike kur ka fillu nga Prishtina edhe tek rajonet tjera.”
Veseli tutje tregon se nga fillimi i aktivitetit me dron janë ulur aksidentet, kurse janë shtuar tiketat e trafikut dhe konfiskimet e patent shoferëve.
“Nga e hëna veçse janë ulur edhe numri i aksidenteve, ku deri më tani janë 11 aksidente, gjashtë me lëndime trupore dhe pesë me dëme materiale. Janë shtuar edhe gjobat ku nga e hëdha deri dje janë shqiptuar 502 gjoba në komunikacion. Janë konfiskuar edhe 20 patentë shoferë nga drejtuesit që kanë shqiptuar kundërvajtje në vijë të plotë”.

Policia e Kosovës apelon tek qytetarët që të kenë kujdes në komunikacion rrugor dhe të respektohen shenjat e komunikacionit.

Ferizaj

Është ndarë nga jeta mjekja e mirënjohur ferizajase Dr. Rushe Ramadani Rushiti

Published

1 day ago

11 April, 2025

Redaksia

Është ndarë nga jeta mjekja e mirënjohur ferizajase Dr. Rushe Ramadani Rushiti.

Lajmi u bë i ditur nga familjarët dhe kolegët në rrjetin social Facebook.

Dr.Rrushja kreu studimet në Fakultetin e Mjekësisë në Universitetin e Prishtinës kurse specializimin për Obstetrikë-Gjinekologji e kreu në Tiranë.

Punën si mjeke e përgjithshme ajo e filloi në vitin 1984 në maternitetin e Shtëpisë së Shëndetit në Ferizaj kurse pas largimit nga puna nga organet e dhunshme serbe vazhdoi punën në maternitetin e improvizuar “Nëna Terezë” në Prishtinë.

Pas çlirimit, Dr.Rrushja vazhdoi punën në Spitalin e Ferizajt ku organizoi funksionalizimin e Repartit të Gjinekologjisë kurse vitet e fundit ishte angazhuar në poliklinën “Zeka” në Ferizaj.

Mbledhja komemorative për Dr. Rushe Ramadani Rushiti do të mbahet të shtunën (12 prill 2025), me fillim në ora 11:00 në Teatrin “Adriana” në Ferizaj.

Ferizaj

Të shtunën disa fshatra të regjionit të Ferizajt do të mbeten pa rrymë

Published

1 week ago

04 April, 2025

webmaster

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.

Ferizaj

Arrestohen edhe dy persona për vjedhjen në Dremjak të Ferizajt

Published

1 week ago

03 April, 2025

Redaksia

Policia ka arrestuar edhe dy persona të tjerë të moshës së mitur të cilët ishin në kërkim për vjedhje të kryer në fshatin Dremjak, komuna e Ferizajt. Kështu numri i të arrestuarve për këtë vjedhje arrin në 5, pasi më 31 mars ishin arrestuar në flagrancë 3 të dyshuar.

Në njoftimin e policisë bëhet e ditur se më 1 prill, me urdhër të prokurorit të shtetit dhe me pëlqimin e familjarëve, njësia e hetimeve të stacionit policor në Ferizaj, ka kryer bastisje në fshatin Talinoc i Muhaxherëve.

Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj.

Si rezultat i këtyre bastisjeve, janë arrestuar dy të dyshuarit e fundit: E.H., 16 vjeç dhe V.L., poashtu 16 vjeç derisa mԯ herët janë arrestuar edhe A.H., 24 vjeç, A.H., 20 vjeç dhe E.S., 16 vjeç.

Me vendim të prokurorit të shtetit për të mitur, të dyshuarit janë ndaluar për 24 orë, thuhet në njoftimin e policisë.