Ferizaj

Bie numri i të hospitalizuarve me COVID-19 në Spitalin e Ferizajt

Published

5 years ago

03 September, 2020

Në Spitalin e Ferizajt ditëve të fundit është shënuar rënie e numrit të pacientëve të infektuar me koronavirus, të cilët janë të shtrirë në këtë institucion shëndetësor.

Përveç zvogëlimit të numrit të të hospitalizuarve, në këtë spital vërehet edhe rënie e numrit të pacientëve që kanë nevojë për kontrolla mjekësore.

Drejtori i këtij spitali Jeton Zeqiri, tha se aktualisht në këtë spital janë të shtrirë 23 pacientë, prej tyre 3 janë në gjendje më të rënduar, ndërsa të tjerët janë në gjendje stabile.

“Në Spitalin e Ferizajt është një situatë relaksuese, e qetë, pa probleme, numri i përgjithshëm i pacientëve që janë të hospitalizuar është 23, rastet që janë më serioze janë 3 pacientë, njëri nga ta është në ventilim mekanik në modulin CPAP, ndërsa të tjerët janë me oksigjeno-terapi, por gjendja e tyre është stabile dhe në ditët në vijim pas përsëritjes së analizave dhe observimit protokollar ata pacientë do të lirohen dhe do të marrin trajtimin e vazhdueshëm në shtëpi”, tha Zeqiri.

Por, kjo situatë e qetë mund të ndryshoj javëve në vijim, për shkak të gripit sezonal. E, për këtë drejtori i spitalit thotë se janë duke u përgatitur.

“Normalisht ne si institucione jemi duke u përgatitur për situatën e periudhës tetor, nëntor që presim një eskalim të situatës duke pasur parasysh që në atë kohë është prezent siç e quajmë ne gripi i zakonshëm dhe në këtë mënyrë do të kemi një diskrepanz sa i përket simptomave klinike të COVID- 19 dhe influecës, mirëpo ne jemi të përgatitur dhe jemi në fazat përgatitore, por dashtë Zoti që rastet me COVID-19 të qetësohen, ndërsa sa i përket influencës një terapi e zakonshme do të veproj”, u shpreh Zeqiri.

Rënia graduale e numrit të të hospitalizuarve me virusin korona në Spitalin e Ferizajt ditëve të fundit, ka bërë që nga fillimi i javës së ardhshme reparti i Gjinekologjisë të rikthehet brenda hapësirave të spitalit. Sipas drejtorit Zeqiri, pak ditë më vonë do të rikthet edhe reparti i Kirurgjisë dhe ai i Ortopedisë.

Ferizaj

Arrestohen edhe dy persona për vjedhjen në Dremjak të Ferizajt

Published

1 day ago

03 April, 2025

Redaksia

Policia ka arrestuar edhe dy persona të tjerë të moshës së mitur të cilët ishin në kërkim për vjedhje të kryer në fshatin Dremjak, komuna e Ferizajt. Kështu numri i të arrestuarve për këtë vjedhje arrin në 5, pasi më 31 mars ishin arrestuar në flagrancë 3 të dyshuar.

Në njoftimin e policisë bëhet e ditur se më 1 prill, me urdhër të prokurorit të shtetit dhe me pëlqimin e familjarëve, njësia e hetimeve të stacionit policor në Ferizaj, ka kryer bastisje në fshatin Talinoc i Muhaxherëve.

Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj.

Si rezultat i këtyre bastisjeve, janë arrestuar dy të dyshuarit e fundit: E.H., 16 vjeç dhe V.L., poashtu 16 vjeç derisa mԯ herët janë arrestuar edhe A.H., 24 vjeç, A.H., 20 vjeç dhe E.S., 16 vjeç.

Me vendim të prokurorit të shtetit për të mitur, të dyshuarit janë ndaluar për 24 orë, thuhet në njoftimin e policisë.

Ferizaj

Prokuroria në Ferizaj do të mbajë konferencë për media për rastin e vrasjes të Muhamed Likës

Published

2 days ago

02 April, 2025

Redaksia

Prokuroria Themelore në Ferizaj ka njoftuar se do të mbajë sot konferencë për media për rastin e vrasjes të rreshterit të Policisë së Kosovës në Kaçanik, Muhamed Lika.

Konferenca do të mbahet nga ora 14:30, në objektin e Prokurorisë Themelore në Ferizaj.

“Pjesëmarrës në këtë konferencë do të jenë Kryeprokurori i Prokurorisë Themelore në Ferizaj, z.Burim Çerkini, prokurori i çështjes z.Ismet Rrahmani, si dhe përfaqësues nga Policia e Kosovës”, thuhet në njoftimin e prokurorisë.

Rreshteri i Policisë së Kosovës, Muhamed Lika, është vrarë në orët e vona të 1 prillit, në hyrje të banesës së tij në Kaçanik.

Ceremonia e varrimit e të ndjerit do të mbahet pas orës 17:00 në Varrezat e Dëshmorëve në Kaçanik, njoftuan familjarët përmes rrjeteve sociale.

Ferizaj

Nga reshjet e shiut sërish përmbytet segmenti i magjistrales Ferizaj – Prishtinë afër fshatit Muhoc

Published

3 days ago

01 April, 2025

Redaksia

Si pasojë e reshjeve të shiut, në rrugën nacionale Ferizaj – Prishtinë, në afërsi të fshatit Muhoc, është grumbulluar një sasi e konsiderueshme uji, duke shkaktuar vështirësi në qarkullim. Shiriti në drejtim të Prishtinës është pothuajse i bllokuar, ndërsa automjetet po shfrytëzojnë pjesën e trotuarit për të vazhduar lëvizjen.

Policia bëri të ditur se patrulla e trafikut është e pranishme në këtë segment dhe po asiston në menaxhimin e situatës. Ndërkohë për gjendjen e krijuar janë njoftuar kompania përgjegjëse për mirëmbajtjen e rrugëve dhe zyrtarët nga ministria përkatëse.