Connect with us

Ferizaj

Për dy javë 78 persona kryejnë testet serologjike në poliklinikën ”Swiss Plus” në Ferizaj

Published

on

Gjatë muajit që lamë pas në Kosovë u licensuan dhjetra laboratore private për kryerjen e testeve serologjike, në bazë të të cilave mund të vërtetohet nëse një person e ka pasur koronavirusin dhe antitrupat që mund të jenë krijuar tek një pacient.

 Testet e tilla janë të rëndësishme për të përcaktuar shkallën e imunitetit ndaj sëmundjes COVID-19, e cila shkaktohet nga koronavirusi i ri, posaçërisht te personat që nuk kanë shfaqur simptoma.

 E, një ndër laboratorët privat në Ferizaj që i është dhënë licensa nga Ministria e Shëndetësisë dhe po kryen teste serologjike është poliklinika ”Swiss Plus”.

Doktoresha Semina Selmani  thotë se që nga 18 korriku kur kanë filluar të realizojnë teste serologjike, në këtë ordinancë janë marrë 78 mostra, prej tyre ajo tha se 24 qytetarë e kanë kaluar virusin pa shfaqje të simptomave.

“Laboratori ynë është licensuar për kryerjen e testeve serologjike prej 18 gushtit dhe nga atëherë kemi filluar me marrjen e mostrave të pacientëve, me anë të mostrave të gjakut që merren, deri më tani 78 mostra janë marrë, prej tyre 8 janë raste aktive me virus, 48 janë negativ dhe 24 raste janë që  e kanë kaluar virusin, që kanë qenë pozitiv”, tha Selmani.

Selmani thotë se në vazhdimësi janë në kontakt me Institutin Kombëtar të Shëndetësisë Publike për t’ua përcjellë të dhënat.

“Në bazë të protokollit që është dhënë nga Ministria e Shëndetësisë rastet që janë me simptoma jo shumë të ashpërsuara i trajtojmë këtu, ndërsa pacientët që kanë ndryshime rengenologjike i udhëzojmë në nivelet sekondare dhe terciare, por shumicën e pacientëve me mortifitet jo shumë të shprehur i trajtojmë  këtu”, tha Selmani.

Çmimi i testit serologjik në këtë laborator është 20 euro.

Përndryshe, testet serologjike aktualisht nuk i kryen Instituti Kombëtar i Shëndetësisë Publike të Kosovës.

Continue Reading
Click to comment

Leave a Reply

Your email address will not be published. Required fields are marked *

Ferizaj

Është ndarë nga jeta mjeku ferizajas, Dr. Abaz Beqa

Published

on

Është ndarë nga jeta mjeku ferizajas Dr. Abaz Beqa.

Njoftimi u bë nga familjarët e të ndjerit.

Dr. Abaz Beqa përfundoi studimet për mjekësi në Universitetin e Prishtinës dhe specializoi në gastroenterologji dhe hepatologji në Kroaci. Si njëri nga specialistët e plejadës së parë të mjekëve ferizajas , që nga viti 1978, ai shërbeu me përkushtim në Shtëpinë e Shëndetit në Ferizaj.

Përveç angazhimit të tij profesional, Beqa ishte aktiv edhe në organizatën e mjekëve të pavarur dhe luajti një rol kyç në organizimin e spitalit për rastet emergjente. Ai gjithashtu dha një kontribut të rëndësishëm në arsim, duke qenë mësimdhënës i hematologjisë për gjeneratën e parë të Shkollës së Mesme të Mjekësisë “Elena Gjika” në Ferizaj.

Mbledhja komemorative për të ndjerin Dr. Abaz Beqa, do të mbahet të premten, më 6 dhjetor me fillim nga ora 10:30, në Teatrin “Adriana” në Ferizaj, kurse ceremonia e varrimit do të bëhet në ora 12:00, në varrezat e reja të qytetit.

Continue Reading

Ferizaj

Një muaj paraburgim të dyshuarit për therjen e 4 personave në Ferizaj

Published

on

Gjykata Themelore në Ferizaj i ka caktuar masën e paraburgimit prej një muaji F.I. që dyshohet se sulmoi dhe theri me thikë katër persona në Ferizaj.

I dyshuari ishte dorëzuar në polici të martën, duke e pranuar sulmin ku si pasojë në mesin e të plagosurve ishin edhe dy fëmijë të moshave 10 dhe 14-vjeçare .

Prokuroria ka thënë se i dyshuari i sulmoi viktimat shkaku i përkatësive etnike pasi që të katër të plagosurit janë të komunitetit RAE.

Sipas Prokurorisë, ekziston dyshimi i bazuar se me datën 11 Nëntor 2024, rreth orës 15:30 minuta, në rrugën “Rifat Berisha “ në Ferizaj, me dashje, për shkak përkatësisë etnike, i pandehuri F.I., ka tentuar t’i privojë nga jeta  dy të mitura, pjesëtarë të komunitetit RAE.

I poandehuri i sulmon ato nga mbrapa dhe i godet disa herë në pjesën e shpatullave me një thikë kuzhine me gjatësi 32 cm dhe gjatësi të tehut prej 19 cm, duke iu shkaktuar lëndime të rënda trupore.

Më tej, Prokuroria thotë se i pandehuri F.I., me datë të njëjtë rreth orës 15:05 minuta në rrugën “Enver Topalli” në Ferizaj, me dashje për shkak përkatësisë etnike, ka tentuar të privojë nga jeta të dëmtuarin N.M., derisa ai ishte duke hyrë në një lokal.

I pandehuri e sulmon me të njëjtën thikë duke e goditur në pjesën e kokës, të fytit dhe në faqen e djathtë, duke i shkaktuar lëndime të rënda trupore. Më pas, rreth orës 15:53 minuta, në rrugën “Halim Spahiu” në Ferizaj, i pandehuri sulmon edhe të dëmtuarin E.A., duke tentuar të privoj nga jeta, duke e goditur me thikë nga mbrapa, në pjesën e shpatullave, duke i shkaktuar lëndime të rënda trupore.

Me këto sulme dhe plagosje, i pandehuri dyshohet se ka kryer në vazhdimësi veprën penale “vrasje e rëndë në tentativë”.

Continue Reading

Ferizaj

Vajza 10 vjeçare e plagosur me thikë në gjendje të rëndë shëndetësore

Published

on

Një vajzë 10-vjeçare, e plagosur pas sulmit me thikë në Ferizaj, është në gjendje të rëndë dhe është dërguar në sallën e operimit në spitalin Emergjent të QKUK-së në Prishtinë.

Në sulmin me thikë pasditen e sotme, janë plagosur katër persona, përfshirë dy të mitura. Për këtë sulm është arrestuar një 59-vjeçar.

Drejtori i Klinikës Emergjente në QKUK, Naser Syla, ka thënë se në klinikë janë sjellë tre persona për t’u trajtuar, ndërsa dy janë në gjendje stabile e një në gjendje më të rëndë, transmeton Koha.net.

Continue Reading

Trending