Botë

BIDEN NOMINON SENATOREN HARRIS SI KANDIDATE PËR ZV.PRESIDENTE TË SHBA-VE

Published

5 years ago

12 August, 2020

Kandidati demokrat për president të SHBA-ve, Joseph Biden zgjodhi senatoren e Kalifornisë dhe konkurrenten e vet nga zgjedhjet brenda partisë, Kamala Harris si kandidate për zv.presidente në garën presidenciale që do mbahet më 3 nëntor të këtij viti. Senatorja Harris, e kishte kritikuar ashpër Bidenin në fillim të debateve primare, mirëpo pas tërheqjes së saj nga gara, i doli si një zë përkrahës, dhe një avokate e shquar e legjislacionit të drejtësisë racore pas vrasjes së George Floyd më 25 maj 2020.

55 vjeçarja Harris, është gruaja e parë me ngjyrë dhe personi i parë me origjinë indiane që u nominua për një post aq të lartë shtetëror nga një parti e madhe, dhe poashtu vetëm gruaja e katërt në historinë amerikane që zgjidhet për një garë presidenciale.

Z. Biden njoftoi për përzgjedhjen e tij përmes një mesazhi në email dhe Twitter, duke thënë se ky ekip i bashkuar do ta mund Trump-in.

Veprimin e mbrëmshëm të kandidatit presidencial Biden e mbështetën të gjithë ish-rivalët nga partia demokratike, ndërkaq ish-presidenti Barack Obama, i lumtur për nominimin e senatores Harris, në Twitter shkroi:

“ E kam njohur senatoren Harris për një kohë të gjatë. Ajo është më se e përgatitur për këtë detyrë. Ajo e bëri një karrierë duke e mbrojtur kushtetutën tonë dhe duke luftuar për njerëzit që kanë nevojë për një qasje të drejtë. Sot është një ditë e mirë për vendin tonë. Tash t’i japim fund kësaj pune, të fitojmë.”

Botë

Rrahje, përplasje dhe tym në Kuvendin e Serbisë

Published

1 month ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

6 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.

Botë

Përleshje fizike në parlamentin italian

Published

10 months ago

13 June, 2024

Redaksia

Një përleshje fizike mes deputetëve ka ndodhur më 13.06.2024 në parlamentin e Italisë.

Siç raporton Zëri i Amerikës, Leonardo Donno, deputet i Lëvizjes “5 Yje”, po përpiqej t’i vinte flamurin italian ministrit për Çështjet Rajonale, Roberto Calderoli gjatë një diskutimi mbi projekt-ligjin e diskutueshëm të qeverisë në lidhje me autonomitë lokale.

Incidenti mes këtyre dyve u shndërrua në përleshje masive mes deputetëve të grupeve të ndryshme parlamentare derisa bëhet e ditur se njëri nga pjesëmarrësit në përleshje është larguar nga parlamenti në një karrige pacientësh.