Connect with us

Ferizaj

Kosova e para në rajon për menaxhim të COVID-19, shqiptarët po shërohen më së shpejti

Published

on

(TV TEMA, 6 Prill 2020)

          Bazuar në tabelat statistikore të Johns Hopkins University, Worldometers,  dhe në shënimet zyrtare të instituteve të shëndetësisë në vendet e rajonit, mund të vërehet se Kosova po prin në menaxhimin e krizës me numrin më të vogël të rasteve të të prekurve me COVID-19 në 1 milion njerëz pra 82, ndërsa sa i përket vdekshmërisë së ulët të pacientëve (2.04%), radhitet menjëherë pas Malit të Zi (0.89%) nga rastet e diagnostifikuara  me sëmundjen COVID-19.

Tabela 1. Numri i rasteve të diagnostifikuara me COVID-19 në 1 milion banorë (6 prill 2020)
Tabela 2. Përqindja e vdekjeve të personave të diagnistifikuar me COVID-19 (6 prill 2020)

Statistikat flasin se shërimi i personave të prekur nga koronavirusi në trojet shqiptare është më i shpejti në rajon.  Në Shqipëri tashmë janë shëruar 30.76% e të sëmurëve me COVID- 19 (nga 377), ndërsa në Kosovë 15.64% e të sëmurëve të diagnostifikuar (nga 147).

Tabela 3. Përqindja e pacientëve të shëruar nga numri i përgjithshëm (6 prill 2020)

 Sa i përket numrit të testeve të kryera, Kosova qëndron në mes të tabelës, me përafërsisht 1091 të testuar në 1 milion banorë (totali 1963), menjëherë pas Malit të Zi  dhe Maqedonisë.      

Tabela 4. Numri i testeve në 1 milion banorë (6 prill 2020)

Continue Reading
Click to comment

Leave a Reply

Your email address will not be published. Required fields are marked *

Ferizaj

Të shtunën disa fshatra të regjionit të Ferizajt do të mbeten pa rrymë

Published

on

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.

Continue Reading

Ferizaj

Arrestohen edhe dy persona për vjedhjen në Dremjak të Ferizajt

Published

on

Policia ka arrestuar edhe dy persona të tjerë të moshës së mitur të cilët ishin në kërkim për vjedhje të kryer në fshatin Dremjak, komuna e Ferizajt. Kështu numri i të arrestuarve për këtë vjedhje arrin në 5, pasi më 31 mars ishin arrestuar në flagrancë 3 të dyshuar.

Në njoftimin e policisë bëhet e ditur se më 1 prill, me urdhër të prokurorit të shtetit dhe me pëlqimin e familjarëve, njësia e hetimeve të stacionit policor në Ferizaj, ka kryer bastisje në fshatin Talinoc i Muhaxherëve.

Gjatë bastisjeve janë sekuestruar përkohësisht disa stoli ari, të cilat pritet të krahasohen me rastet e raportuara të vjedhjeve në Ferizaj.

Si rezultat i këtyre bastisjeve, janë arrestuar dy të dyshuarit e fundit: E.H., 16 vjeç dhe V.L., poashtu 16 vjeç derisa mԯ herët janë arrestuar edhe A.H., 24 vjeç, A.H., 20 vjeç dhe E.S., 16 vjeç.

Me vendim të prokurorit të shtetit për të mitur, të dyshuarit janë ndaluar për 24 orë, thuhet në njoftimin e policisë.

Continue Reading

Ferizaj

Prokuroria në Ferizaj do të mbajë konferencë për media për rastin e vrasjes të Muhamed Likës

Published

on

Prokuroria Themelore në Ferizaj ka njoftuar se do të mbajë sot konferencë për media për rastin e vrasjes të rreshterit të Policisë së Kosovës në Kaçanik, Muhamed Lika.

Konferenca do të mbahet nga ora 14:30, në objektin e Prokurorisë Themelore në Ferizaj.

“Pjesëmarrës në këtë konferencë do të jenë Kryeprokurori i Prokurorisë Themelore në Ferizaj, z.Burim Çerkini, prokurori i çështjes z.Ismet Rrahmani, si dhe përfaqësues nga Policia e Kosovës”, thuhet në njoftimin e prokurorisë.

Rreshteri i Policisë së Kosovës, Muhamed Lika, është vrarë në orët e vona të 1 prillit, në hyrje të banesës së tij në Kaçanik.

Ceremonia e varrimit e të ndjerit do të mbahet pas orës 17:00 në Varrezat e Dëshmorëve në Kaçanik, njoftuan familjarët përmes rrjeteve sociale.

Continue Reading

Trending