Botë

Seat Jakupi i “TELEX” mbajti koncert ON-LINE

Published

5 years ago

29 March, 2020

Legjenda e pop-rokut shqiptar, këngëtari Seat Jakupi mbrëmë u paraqit live në FB, duke interpretuar hitet e grupit të vet “TELEX”, por gjithashtu edhe disa re-intepretime (covera) të idolit të tij muzikor Stevie Wonder.

Gjatë kohës së karantinës, kur qytetarë anembanë globit me vetizolim po mbrohen nga përhapja e virusit COVID-19, shumë artistë, këngëtarë, shkenctarë e ligjerues po bëjnë performanca online, për të mbajtur gjallë shpresën e atyre njerëzve dhe për tua thyer monotoninë e të qëndruarit brenda.

Seati mbrëmë performoi i vetëm, nga një studio shtëpiake në Leverkusen të Gjermanisë, duke e shfaqur edhe një herë botën e tij artistike dhe këndimin e tij unik përmes këngëve: “Vetëm për ty” “Rrugët tona”, “Dhoma 121”, “Vëtmia s’është për ty”, “Ndoshta një ditë “ etj.

Grupi TELEX ishte ndër grupet e para që në trojet shqiptare prezentohej me këngë të zhanrit funk, dhe asokohe përbëhej nga Seat Jakupi, Shpend Ahmeti, Ismet Shahini dhe Enver Bunjaku.

Hitet e TELEX-ave dëgjohen dhe këndohen edhe sot nga një numër i madh i këngëtarëve në trojet shqiptare.

Ky është linku i mini koncertit të Seat Jakupit:

https://www.facebook.com/sejatj/videos/10212890920867377

Botë

Rrahje, përplasje dhe tym në Kuvendin e Serbisë

Published

1 month ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

6 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.

Botë

Përleshje fizike në parlamentin italian

Published

10 months ago

13 June, 2024

Redaksia

Një përleshje fizike mes deputetëve ka ndodhur më 13.06.2024 në parlamentin e Italisë.

Siç raporton Zëri i Amerikës, Leonardo Donno, deputet i Lëvizjes “5 Yje”, po përpiqej t’i vinte flamurin italian ministrit për Çështjet Rajonale, Roberto Calderoli gjatë një diskutimi mbi projekt-ligjin e diskutueshëm të qeverisë në lidhje me autonomitë lokale.

Incidenti mes këtyre dyve u shndërrua në përleshje masive mes deputetëve të grupeve të ndryshme parlamentare derisa bëhet e ditur se njëri nga pjesëmarrësit në përleshje është larguar nga parlamenti në një karrige pacientësh.