Ferizaj

Biblioteka e Ferizajt e kënaqur me numrin e lexuesve

Published

5 years ago

27 February, 2020

Edhe pse leximi i librave në kohën e sotme konsiderohet në rënie, në bibliotekën e Ferizajt “Sadik Tafarshiku” në Ferizaj, tregojnë se interesimi nuk mungon. Drejtoresha e kësaj biblioteke Teuta Demiri, thotë se lexueshmëria vazhdon të jetë e kënaqshme edhe sot.

“Si çdo herë biblioteka në Ferizaj ka treguar se ka një numër shumë të madh të lexuesve dhe ata janë çdo herë në bibliotekë, qoftë me literaturën e tyre që posedojnë, qoftë me literaturën që ekziston në bibliotekë, ata marrin libra, i huazojnë në sallën e leximit, mirëpo huazojnë edhe në shtëpi dhe ne na gëzon fakti që biblioteka edhe po pasurohet me fond librar dhe lexuesit deri tani janë të kënaqur me fondin librar që ofron biblioteka. Deri më tani jemi duke u furnizuar me projektin e viteve të mëhershme që ndau komuna, 100 mijë euro për bibliotekën, e ky projekt akoma është duke u vazhduar ndoshta nga shkaku se edhe kemi hapësira të pamjaftueshme nuk po mundemi t’i sjellim të gjitha librat përnjëherë dhe të bëhet inventalizimi i tyre përnjëherë dhe kjo është një sinjal që bibliotekës është duke i munguar hapësira e mjaftueshme dhe me fond librar jemi pasuruar me atë projekt që e ceka më lartë, por edhe Ministria e Kulturës çdo vit në bazë të projekteve që ne i dorëzojmë ndanë një shumë të konsiderueshme për të pasuruar fondin librar”, tha Teuta Demiri.

Për t’u pajisur më lehtë me libraa, drejtoresha Demiri tha se janë në proces të digjitalizimit të tyre.

“Ne vite më parë kemi marrë programin “Aleph 500” nga biblioteka kombëtare dhe kemi filluar që gjithë koleksioni librar që e ka biblioteka ta automatizoj në këtë program dhe të jetë efikas për lexuesit dhe për qytetarët e bibliotekës, mirëpo me disa probleme që jemi duke u ballafaquar një kohë të gjatë, librat janë vetëm duke u futur në këtë program, por jo edhe duke u parë ndoshta shkaku edhe i mirëmbajtjes dhe pagesës që ka munguar për një kohë të gjatë. Ka filluar nga viti 2003 nëse nuk gaboj dhe kemi filluar me hapa shumë të sigurt dhe profesional që të automatizohen të gjitha koleksionet librare edhe pse nuk shihen librat që i posedon biblioteka në atë program, mirëpo puna është duke u kryer me sukses nga ana jonë, nga ana e punëtorëve. Kjo zgjatë shumë, merr kohë sepse ajo është një procedurë që do të futen të gjitha të dhënat e një libri, mirëpo kryesorja është që puna po bëhet”, tha Teuta Demiri.

Në kuadër të bibliotekës “Sadik Tafarshiku” ekzistojnë edhe katër biblioteka si ajo në fshatin Nerodime, Komogllavë, Talinoc të Muhaxherëve si dhe Dardani të komunës së Ferizajt.

Ferizaj

Mbledhja komemorative për gazetarin Sylejman Shaqiri mbahet sot nga ora 14:00 në teatrin “Adriana” në Ferizaj

Published

12 hours ago

19 April, 2025

webmaster

Lajmi u bë i njohur nga familjarët përmes rrjeteve sociale.

Shaqiri ka qenë një figurë e rëndësishme në gazetarinë kosovare për dekada me radhë. Karrierën e tij e nisi në fillim të viteve ’80 në Radio Ferizaj, ku ushtroi detyrën e kryeredaktorit dhe drejtorit.

Më pas, ai vazhdoi punën në Radio Televizionin e Prishtinës (RTP) si gazetar dhe redaktor përgjegjës.

Pas mbylljes së dhunshme të RTP-së në vitet ’90, Shaqiri dha kontribut të rëndësishëm në informimin e popullatës në Kosovë përmes valëve të radio Zagrebit dhe Radio Tiranës.

Pas përfundimit të luftës në Kosovë, Shaqiri vazhdoi me angazhim në gazetari, fillimisht në Radio Ferizaj dhe Radio Tema, e më pas mori pozita udhëheqëse në Radio Televizionin e Kosovës (RTK), përfshirë atë të drejtorit të përgjithshëm.

Shaqiri lë pas një trashëgimi të rëndësishme profesionale dhe një kontribut të pazëvendësueshëm për gazetarinë në vend.

Në nderim jetës dhe veprës së tij, familja e të ndjerit në bashkëpunim me Komunën e Ferizajt dhe Klubin e Gazetarëve “Haki Braha” në Ferizaj, do të mbajnë sot (19.04.2025) mbledhje komemorative me fillim nga 14:00 në Teatrin “Adriana” në Ferizaj.

Ferizaj

Është ndarë nga jeta mjekja e mirënjohur ferizajase Dr. Rushe Ramadani Rushiti

Published

1 week ago

11 April, 2025

Redaksia

Është ndarë nga jeta mjekja e mirënjohur ferizajase Dr. Rushe Ramadani Rushiti.

Lajmi u bë i ditur nga familjarët dhe kolegët në rrjetin social Facebook.

Dr.Rrushja kreu studimet në Fakultetin e Mjekësisë në Universitetin e Prishtinës kurse specializimin për Obstetrikë-Gjinekologji e kreu në Tiranë.

Punën si mjeke e përgjithshme ajo e filloi në vitin 1984 në maternitetin e Shtëpisë së Shëndetit në Ferizaj kurse pas largimit nga puna nga organet e dhunshme serbe vazhdoi punën në maternitetin e improvizuar “Nëna Terezë” në Prishtinë.

Pas çlirimit, Dr.Rrushja vazhdoi punën në Spitalin e Ferizajt ku organizoi funksionalizimin e Repartit të Gjinekologjisë kurse vitet e fundit ishte angazhuar në poliklinën “Zeka” në Ferizaj.

Mbledhja komemorative për Dr. Rushe Ramadani Rushiti do të mbahet të shtunën (12 prill 2025), me fillim në ora 11:00 në Teatrin “Adriana” në Ferizaj.

Ferizaj

Të shtunën disa fshatra të regjionit të Ferizajt do të mbeten pa rrymë

Published

2 weeks ago

04 April, 2025

webmaster

Të shtunën (05.04.2025) disa fshatra të regjionit të Ferizajt do të përballen me ndërprerje të planifikuar të energjisë elektrike, si pjesë e punimeve për mirëmbajtjen e rrjetit.

Sipas njoftimit nga KEDS, ndërprerja do të zgjasë nga ora 09:30 deri në 14:30 dhe do të prekë fshatrat Greme, Gaçkë, Burrnik, Izhancë, Kashtanjevë, Bajincë, Semajë, Prushaj dhe Sllatinë si dhe disa biznese private në këto zona.

Ndërhyrja teknike përfshin ndërrimin e shtyllave dhe izolatorëve të dëmtuar, shtrëngimin e përçuesve dhe pastrimin e trasesë për të siguruar funksionimin e qëndrueshëm të rrjetit elektrik.