Connect with us

Ferizaj

Urbanizmi, sfidë për pushtetin lokal

Published

on

Anulimi i proceseve dhe lejeve diskutabile të ndërtimit mbetet sfidë kryesore e këtij pushteti. Pavarësisht faktit që drejtori i Urbanizmit ka përsëritur shumë herë  se gjendja e urbanizmit në Ferizaj i ngjan një kaosi të vërtet, ai sot në një konferencë për media pas gjashtë muajsh të qeverisjes, u shpreh se pushteti e ka të vështirë ta ndryshoj trendin e nisur nga ish-pushteti.

“Nuk është e lehtë me i anulu nëse mund të konsiderojmë 20-30 leje për të cilat kemi padi dhe që komuna ka lëshuar me vetëdije dhe tani mund të ketë pasoja materiale të shumëfishta. Ju e dini që të rralla janë  rastet nëpër gjykata kur komuna i fiton kontestet dhe kjo është sfidë që ne po duhet me përballu për me mbajt balancin. Është sfida dhe telashja kryesore, nuk është që nuk jemi të shqetësuar për këtë punë, nuk do të thotë se s’kemi menduar për këtë çështje mund ta fundosim  komunën financiarisht’’, theksoi Aliu.

Një tjetër telashe që sipas drejtorit Aliu po e përcjell çdo ditë punën e urbanizmit është Plani Zhvillimor Komunal.

“Gabimet substanciale në përmbajtje të PZHK-së dhe gabimet e tjera teknike të këtij dokumenti përveç pengesave serioze  që po na paraqesin në drejtim të realizimit të projekteve tona vitale po na shkaktojnë telashe edhe në procesimin e hartimit të dokumenteve të tjera të planifikimit siç janë hartat zonale dhe  dokumentet e tjera të mëvonshme. Sfidë në vete është interpretimi jo si saktë i Ministrisë së Mjedisit të udhëzimeve administrative që e shpjegojnë përmbajtjen dhe mënyrën e hartimit dhe korrigjimit të këtyre dokumenteve më të rëndësishme që hapin rrugën e zhvillimit të planifikuar të komunës sonë”, tha Aliu.

Përveç tjerash, këto ditë Drejtoria e Urbanizmit ka pranuar një vendim nga Inspektorati i Ministrisë së Mjedisit dhe Planifikimit Hapësinor, ku urdhërohet që komuna e Ferizajt menjëherë të pezulloj kushtet ndërtimore dhe lejen ndërtimore në një ndërtesë në rrugën “Astrit Bytyqi”. Për këtë çështje, drejtori Aliu tha se përveç ankesës që kanë bërë, ende nuk kane vendosur se si të procedohet tutje.

“E rëndësishmja e këtij vendimi që e ka lëshuar Inspektorati është e drejta e ndërtimit në atë parcelë, ka vërejtje në procedura të dhënies së lejes që janë gabime minimale të cilat nuk ndikojnë në lejen e ndërtimit, mungon  një vijë, një datë, thjesht çështje periferike. Ne kemi vendos me zgjedhë të drejtën e ankesës, i kemi 8 ditë afat për t’u ankuar, sepse mendojmë se janë çështje procedurale dhe unë mendoj se s’kemi nevojë me i pezullu punët, ato do të vazhdojnë ndërsa ne i plotësojmë edhe ato dokumente të cilat po kërkohen”, tha Aliu.

Gjatë kësaj paraqitje publike, drejtori i Urbanizimit në Ferizajt ka njoftuar se kjo drejtori është në fazën e hartimit të hartave zonave, ku sipas tij, përfundimi i këtij procesi do të ndikoj që fusha e urbanizmit në Ferizaj të hyjë në binarë. E një ankesë që u shpreh nga ai është mungesa e stafit profesionist në këtë sektor me shumë aktivitete e procese të nisura.

Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohet për vjedhje të rëndë ferizajasi 20 vjeç

Published

on

Policia në Ferizaj ka arrestuar një 20-vjeçar të dyshuar për veprën penale vjedhje e rëndë.

Ngjarja ka ndodhur më 24 dhjetor, rreth orës 01:45, në rrugën “Ilir Konushevci”, ku nga një veturë u vodh një pistoletë, 21 fishekë dhe disa gjësende tjera.

Pas hetimeve dhe analizimit të kamerave të sigurisë, mbrëmjen e 26 dhjetorit, rreth orës 19:00, policia arrestoi të dyshuarin me inicialet E.P. në banesën e tij.

Gjatë kontrollit u gjetën fishekët dhe disa sende që i përkisnin viktimës.

“I dyshuari është intervistuar në prani të avokatit mbrojtës. Me vendim të prokurorit ai është ndaluar për 48 orë për procedura të mëtejshme hetimore”, thuhet mes tjerash në raportin e policisë.

Continue Reading

Ferizaj

Është ndarë nga jeta mjeku ferizajas, Dr. Abaz Beqa

Published

on

Është ndarë nga jeta mjeku ferizajas Dr. Abaz Beqa.

Njoftimi u bë nga familjarët e të ndjerit.

Dr. Abaz Beqa përfundoi studimet për mjekësi në Universitetin e Prishtinës dhe specializoi në gastroenterologji dhe hepatologji në Kroaci. Si njëri nga specialistët e plejadës së parë të mjekëve ferizajas , që nga viti 1978, ai shërbeu me përkushtim në Shtëpinë e Shëndetit në Ferizaj.

Përveç angazhimit të tij profesional, Beqa ishte aktiv edhe në organizatën e mjekëve të pavarur dhe luajti një rol kyç në organizimin e spitalit për rastet emergjente. Ai gjithashtu dha një kontribut të rëndësishëm në arsim, duke qenë mësimdhënës i hematologjisë për gjeneratën e parë të Shkollës së Mesme të Mjekësisë “Elena Gjika” në Ferizaj.

Mbledhja komemorative për të ndjerin Dr. Abaz Beqa, do të mbahet të premten, më 6 dhjetor me fillim nga ora 10:30, në Teatrin “Adriana” në Ferizaj, kurse ceremonia e varrimit do të bëhet në ora 12:00, në varrezat e reja të qytetit.

Continue Reading

Ferizaj

Një muaj paraburgim të dyshuarit për therjen e 4 personave në Ferizaj

Published

on

Gjykata Themelore në Ferizaj i ka caktuar masën e paraburgimit prej një muaji F.I. që dyshohet se sulmoi dhe theri me thikë katër persona në Ferizaj.

I dyshuari ishte dorëzuar në polici të martën, duke e pranuar sulmin ku si pasojë në mesin e të plagosurve ishin edhe dy fëmijë të moshave 10 dhe 14-vjeçare .

Prokuroria ka thënë se i dyshuari i sulmoi viktimat shkaku i përkatësive etnike pasi që të katër të plagosurit janë të komunitetit RAE.

Sipas Prokurorisë, ekziston dyshimi i bazuar se me datën 11 Nëntor 2024, rreth orës 15:30 minuta, në rrugën “Rifat Berisha “ në Ferizaj, me dashje, për shkak përkatësisë etnike, i pandehuri F.I., ka tentuar t’i privojë nga jeta  dy të mitura, pjesëtarë të komunitetit RAE.

I poandehuri i sulmon ato nga mbrapa dhe i godet disa herë në pjesën e shpatullave me një thikë kuzhine me gjatësi 32 cm dhe gjatësi të tehut prej 19 cm, duke iu shkaktuar lëndime të rënda trupore.

Më tej, Prokuroria thotë se i pandehuri F.I., me datë të njëjtë rreth orës 15:05 minuta në rrugën “Enver Topalli” në Ferizaj, me dashje për shkak përkatësisë etnike, ka tentuar të privojë nga jeta të dëmtuarin N.M., derisa ai ishte duke hyrë në një lokal.

I pandehuri e sulmon me të njëjtën thikë duke e goditur në pjesën e kokës, të fytit dhe në faqen e djathtë, duke i shkaktuar lëndime të rënda trupore. Më pas, rreth orës 15:53 minuta, në rrugën “Halim Spahiu” në Ferizaj, i pandehuri sulmon edhe të dëmtuarin E.A., duke tentuar të privoj nga jeta, duke e goditur me thikë nga mbrapa, në pjesën e shpatullave, duke i shkaktuar lëndime të rënda trupore.

Me këto sulme dhe plagosje, i pandehuri dyshohet se ka kryer në vazhdimësi veprën penale “vrasje e rëndë në tentativë”.

Continue Reading

Trending