Connect with us

Ferizaj

Përurohen hapësirat e reja të shoqatës ‘’Down Syndrome Kosova’’

Published

on

Shoqata ‘’Down Syndrome Kosova’’, ka përuruar hapësirat e reja për ofrimin e shërbimeve terapeutike për fëmijët me sindromën down në Ferizaj, projekt ky i realizuar me ndihmën e donatorëve dhe komunës së Ferizajt.

Drejtoresha e shoqatës  ‘’Down Syndrome Kosova’’, Sebahate Hajdini-Beqiri, tha se nga sot po fillon një etapë e re për fëmijët me sindromën down në këtë qytet.

“Faleminderit që jeni sot me ne në këtë ngjarje të veçantë, një ngjarje e cila po hap një etapë të re për trajtim të dinjitetshëm të personave me sindromën down në komunën e Ferizajt, siç e dinë edhe prindërit edhe bashkëpunëtorët tanë që nga viti 2010 kemi funksionuar me një hapësirë shumë të papërshtatshme, jemi munduar me shumë sfida që të jemi afër nevojave të komunitetit me ato kapacitetet që kishim”, u shpreh Hajdini-Beqiri.

Kurse, kryetari i Komunës së Ferizajt Agim Aliu, këtë ngjarje e konsideroi si më të veçantën që nga marrja e mandatit, duke u zotuar se do të jetë përkrahës i fuqishëm i personave me sindromën down.

“Nëse për diçka kam vendosur pa hezitim dhe për të “hallakatur” gjithë buxhetin e për të gjetur një mundësi për t’i shërbyer dikujt pa hezitim me një po të madhe jam vu në shërbim të ‘’Down Syndrome Kosova’’, për të mbështetur këta fëmijë dhe këto familje, sepse konsideroj se është përgjegjësi e jona që në radhë të parë të kuptojmë të qenurit prind dhe familjarë në rrethana çfarë ofron jeta sociale në Kosovë dhe do të mundohemi që gjithmonë përkundër vështirësive që mund të kemi të gjejmë që vërtet të jemi afër këtyre kategorive dhe sot zotohem se do të mbështesim  kategoritë e tilla dhe programi im kryekëput do të jetë familja”, tha Aliu.

Ndërsa, donatori Nehat Thaçi, tha se ndjehet mirë që ka investuar në këtë projekt.

“Një sukses për ne aq i vogël, por për të tjerët aq i madh, mburrem me miqtë dhe dashamirët e mi që mu gjenden afër në këtë projekt, ju ftoj që jo vetëm kësaj shoqate t’i gjendemi pranë, por të gjitha kategorive të tjera që kanë nevojë”, tha Thaçi.

Bazuar në të dhënat e kësaj shoqate, në Ferizaj janë mbi 90 persona me sindromën down, 65 prej të cilëve janë fëmijë.

Continue Reading
Click to comment

Leave a Reply

Your email address will not be published. Required fields are marked *

Ferizaj

Arrestohet për vjedhje të rëndë ferizajasi 20 vjeç

Published

on

Policia në Ferizaj ka arrestuar një 20-vjeçar të dyshuar për veprën penale vjedhje e rëndë.

Ngjarja ka ndodhur më 24 dhjetor, rreth orës 01:45, në rrugën “Ilir Konushevci”, ku nga një veturë u vodh një pistoletë, 21 fishekë dhe disa gjësende tjera.

Pas hetimeve dhe analizimit të kamerave të sigurisë, mbrëmjen e 26 dhjetorit, rreth orës 19:00, policia arrestoi të dyshuarin me inicialet E.P. në banesën e tij.

Gjatë kontrollit u gjetën fishekët dhe disa sende që i përkisnin viktimës.

“I dyshuari është intervistuar në prani të avokatit mbrojtës. Me vendim të prokurorit ai është ndaluar për 48 orë për procedura të mëtejshme hetimore”, thuhet mes tjerash në raportin e policisë.

Continue Reading

Ferizaj

Është ndarë nga jeta mjeku ferizajas, Dr. Abaz Beqa

Published

on

Është ndarë nga jeta mjeku ferizajas Dr. Abaz Beqa.

Njoftimi u bë nga familjarët e të ndjerit.

Dr. Abaz Beqa përfundoi studimet për mjekësi në Universitetin e Prishtinës dhe specializoi në gastroenterologji dhe hepatologji në Kroaci. Si njëri nga specialistët e plejadës së parë të mjekëve ferizajas , që nga viti 1978, ai shërbeu me përkushtim në Shtëpinë e Shëndetit në Ferizaj.

Përveç angazhimit të tij profesional, Beqa ishte aktiv edhe në organizatën e mjekëve të pavarur dhe luajti një rol kyç në organizimin e spitalit për rastet emergjente. Ai gjithashtu dha një kontribut të rëndësishëm në arsim, duke qenë mësimdhënës i hematologjisë për gjeneratën e parë të Shkollës së Mesme të Mjekësisë “Elena Gjika” në Ferizaj.

Mbledhja komemorative për të ndjerin Dr. Abaz Beqa, do të mbahet të premten, më 6 dhjetor me fillim nga ora 10:30, në Teatrin “Adriana” në Ferizaj, kurse ceremonia e varrimit do të bëhet në ora 12:00, në varrezat e reja të qytetit.

Continue Reading

Ferizaj

Një muaj paraburgim të dyshuarit për therjen e 4 personave në Ferizaj

Published

on

Gjykata Themelore në Ferizaj i ka caktuar masën e paraburgimit prej një muaji F.I. që dyshohet se sulmoi dhe theri me thikë katër persona në Ferizaj.

I dyshuari ishte dorëzuar në polici të martën, duke e pranuar sulmin ku si pasojë në mesin e të plagosurve ishin edhe dy fëmijë të moshave 10 dhe 14-vjeçare .

Prokuroria ka thënë se i dyshuari i sulmoi viktimat shkaku i përkatësive etnike pasi që të katër të plagosurit janë të komunitetit RAE.

Sipas Prokurorisë, ekziston dyshimi i bazuar se me datën 11 Nëntor 2024, rreth orës 15:30 minuta, në rrugën “Rifat Berisha “ në Ferizaj, me dashje, për shkak përkatësisë etnike, i pandehuri F.I., ka tentuar t’i privojë nga jeta  dy të mitura, pjesëtarë të komunitetit RAE.

I poandehuri i sulmon ato nga mbrapa dhe i godet disa herë në pjesën e shpatullave me një thikë kuzhine me gjatësi 32 cm dhe gjatësi të tehut prej 19 cm, duke iu shkaktuar lëndime të rënda trupore.

Më tej, Prokuroria thotë se i pandehuri F.I., me datë të njëjtë rreth orës 15:05 minuta në rrugën “Enver Topalli” në Ferizaj, me dashje për shkak përkatësisë etnike, ka tentuar të privojë nga jeta të dëmtuarin N.M., derisa ai ishte duke hyrë në një lokal.

I pandehuri e sulmon me të njëjtën thikë duke e goditur në pjesën e kokës, të fytit dhe në faqen e djathtë, duke i shkaktuar lëndime të rënda trupore. Më pas, rreth orës 15:53 minuta, në rrugën “Halim Spahiu” në Ferizaj, i pandehuri sulmon edhe të dëmtuarin E.A., duke tentuar të privoj nga jeta, duke e goditur me thikë nga mbrapa, në pjesën e shpatullave, duke i shkaktuar lëndime të rënda trupore.

Me këto sulme dhe plagosje, i pandehuri dyshohet se ka kryer në vazhdimësi veprën penale “vrasje e rëndë në tentativë”.

Continue Reading

Trending