Ferizaj

”FerFilm” nis nesër

Published

6 years ago

01 September, 2018

Nesër në Ferizaj fillon edicioni i gjashtë i festivalit ndërkombëtar të filmit i njohur si “FerFilm”. Pritet që për 5 ditë sa do të zgjasë ky festival, para dashamirëve të filmit të shfaqen 91 filma të metrazhit të shkurtër në tri kinema të improvizuara në Ferizaj.

Udhëheqësi i sektorit të kulturës në Ferizaj, Sabri Pajaziti, tha se janë munduar që edhe këtë vit të sjellin filma sa më cilësor.

“Përafërsisht në fund të muajit maj është hapur aplikimi për filmbërësit ndërkombëtar, ku kanë ardhur mbi 200 filma dhe e kemi bërë një selektim për shkak se i kemi vetëm 5 ditë, jemi munduar që të kemi filma më cilësor, dëshira jonë është që të kemi filma të mirë për dashamirët e filmit”, tha ai.

Pajaziti tha se për dallim prej viteve të kaluara, këtë vit filmat konkurues janë të metrazhit të shkurtër.

“Ky është edicioni 6, festivali po i bën 6 vite dhe ne çdoherë po krijojmë përvojë, po mësojmë edhe nga gabimet e përvojat ndërkombëtare, ndërsa dallimi është që sivjet festivali është profilizu në filma të shkurtër dhe shpresojmë që vitet e ardhshme të kemi profilizim edhe më të qartë“, tha Pajaziti.

Në këtë festival, jashtë konkurencës do të shfaqen edhe katër filma të metrazhit të gjatë.

Ferizaj

Arrestohet një ish zyrtar i gjendjes civile në Ferizaj

Published

1 day ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

2 days ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

2 days ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.